Advaes

■ Buk blong seremaot long Febuwari: Yu Save Laef Foreva Long Paradaes Long Wol long 350 VT. Maj: Revelation—⁠Its Grand Climax At Hand! long 350 VT. Epril mo Mei: Sabskripsen long Wajtaoa long 600 VT.

■ Sekretari mo elda we i lukaot long wok blong prij oli mas luk bakegen ol wok blong ol fultaem paenia. Sipos i gat sam we oli faenem i had blong kasem mak blong ol haoa blong olgeta, elda i save mekem plan blong halpem olgeta. Blong luk sam advaes, luk bakegen leta blong Sosaeti ­(S-201). Mo tu, lukluk Kingdom Wok Blong Yumi blong Septemba 1986.

■ Memoriol bambae i stap long Tusde, 6 Epril 1993. Nating se tok i save stat eli, plis tingbaot se bred mo waen oli no mas goraon bifo san i godaon. Jekem blong luk wetaem san i godaon long ples blong yufala. Long dei ya i no mas gat narafala miting we oli mekem, be miting blong wok blong prij nomo. Sipos kongregesen blong yufala i stap mekem miting oltaem long Tusde, yufala i save putum i go long wan narafala dei long sem wik, sipos Haos Kingdom i fri. Sipos samting ya i spolem Sevis Miting blong yufala, maet i gud blong mekem sam haf blong hem we oli stret long kongregesen long nekis Sevis Miting. Ol kongregesen we oli gat visit blong seket elda, oli mas jenisim ol program blong miting we oli stap holem evri Tusde.

■ Ol pablisa we oli wantem mekem haftaem paenia long manis Maj mo Epril, oli mas mekem plan blong olgeta naoia, fulumap pepa blong haftaem paenia mo givimbak. Samting ya bambae i halpem ol elda blong mekem plan i rere blong wok blong prij mo lukaot se i gat inaf buk.

■ Dei blong distrik asembli “Tijing Blong God” long Luganville Santo oli jenis. Asembli ya bambae i stap long Ogis 26 kasem 29, 1993.