Miting Blong Kingdom Wok Blong Septemba
Wik We i Stat Long Septemba 6
Singsing 164
10 menet: Lokol mesej mo jusum sam advaes long Kingdom Wok Blong Yumi.
20 menet: Rerem Pikinini Blong Yu Blong Skul. Tok wetem pleplei mo askem kwestin long samfala. Ol yangfala Kristin tede oli stap fesem plante traem we plante pablisa long kongregesen oli no stap tingbaot. Ol papa mama oli mas savegud ol traem ya, blong oli save mekem ol pikinini blong olgeta oli rere blong fesem. Toktok wetem tri yangfala we oli gat defren yia. ?Wanem sam samting long skul we oli mas fesem evridei? ?Wanem samting i givhan long olgeta blong wokem gudfala fasin fren wetem Jeova? Mekemrere wan pleplei blong wan famle we oli stap tugeta blong tokbaot buklet ya School long paragraf 2 mo 3 long pej 11. Ol pikinini oli talem se ol narafala pikinini oli jikim olgeta mo oli harem olsem we oli no joengud wetem ol narafala from we oli stap folem ol rul blong Baebol long saed blong stret fasin. Hed blong famle i talem gudfala toktok blong soem we hem i glad long eksampel blong olgeta mo i talem long olgeta bakegen we Jeova i glad long ol gudfala fasin blong olgeta. (Prov. 27:11) Long las haf blong tok ya brata i leftemap tingting long ol yangfala long kongregesen from ol gudfala wok blong olgeta mo askem olgeta blong toktokgud wetem ol papa mama blong olgeta blong oli save stap strong long saed blong speret long yia ya long skul.
15 menet: “Halpem Ol Narafala Blong Luksave Samting Ya We i Sas Moa.” Kwestin mo ansa. Taem yu tokbaot paragraf 4, wan pablisa i mekem wan pleplei blong soemaot olsem wanem blong givimaot Laef Foreva buk long papa mama blong hem.
Singsing 108 mo laswan prea.
Wik We i Stat Long Septemba 13
Singsing 112
10 menet: Lokol mesej. Ripot blong ol kaon mo tangkyu from presen mane we oli givim. Talem tangkyu long kongregesen from kaen fasin blong olgeta blong sapotem ol lokol nid blong kongregesen mo wok blong Sosaeti long olgeta ples long wol.
10 menet: “Yusum Ol Magasin Blong Halpem Ol Narafala.” Tok wetem pleplei. Soemaot we hem i impoten blong yusum fulwan ol nyufala magasin mo ol olfala magasin. Mekem tu pleplei, wan blong seremaot wan nyufala magasin mo wan blong soem olsem wanem blong yusum wan olfala magasin we i stret long nid blong man blong haos.
15 menet: “?Bambae Yumi Mekem Wanem Long Sevis Yia Ya?” Toktok tugeta wetem kongregesen. Presiden elda i mekem haf ya. Tingtingbak wetem kongregesen long sevis yia we i pas mo leftemap tingting blong olgeta blong mekem plan blong mekem wok blong olgeta i gru moa long sevis yia ya 1994.
10 menet: “Stadi Buk Ya Laef Foreva Mo Buk Ya Joen Tugeta Long Wosip.” Afta storeyan wetem kongregesen long haf ya, wan pablisa we i reregud i mas mekem pleplei blong soemaot olsem wanem blong jenisim stadi long buk ya Man We i Hae Moa i go long buk ya Laef Foreva.
Singsing 17 mo laswan prea.
Wik We i Stat Long Septemba 20
Singsing 100
10 menet: Lokol mesej. Tokbaot sam poen long ol nyufala magasin we oli save yusum long wok blong prij long wik ya.
20 menet: “Givhan Long Ol Man We Oli Olsem Sipsip Blong Oli Stanap Long Wan Strong Fandesen.” Toktok wetem kongregesen. Tokbaot nid blong reregud blong mekem ol wanwan visit bakegen. Askem wan pablisa we i gat gudhan blong mekem pleplei blong mekem wan visit bakegen long wan man we i tekem buk ya Laef Foreva bifo finis, yusum wan long ol tok we i stap long paragraf 3 mo 5.
15 menet: “Statem Baebol Stadi.” Kwestin mo ansa. Afta paragraf 4, mekem wan pleplei we i gat laef blong soem olsem wanem blong mekem visit bakegen long man we oli bin yusum Baebol nomo, be ol toktok we oli yusum, oli kamaot long sam haf blong Laef Foreva no Reasoning buk.
Singsing 84 mo laswan prea.
Wik We i Stat Long Septemba 27
Singsing 109
10 menet: Lokol mesej. Tiokratik Nyus.
20 menet: ?Ol Man We Yumi Laekem Olgeta, Oli Ded Oli Stap Wea? Wan famle i tokbaot samting ya tugeta. Yusum sam haf we yu jusum long Reasoning buk long pej 98-100 (Fr. 253-255), hed blong famle i stap tokbaot ded blong wan fren blong famle blong olgeta. Hem i mas traehad blong halpem ol pikinini blong hem blong kasem wanem tingting blong Baebol long saed ya. Hem i askem ol kwestin long olgeta blong mekem sua se oli kasem save long mining blong ded, mo oli save eksplenem klia long fasin we i stret long ol defren yia blong olgeta. Mo tu, hem i soemaot long olgeta olsem wanem oli save yusum Reasoning buk blong halpem ol narafala.
15 menet: Seremaot Magasin Long Oktoba. Mekem tri pleplei: askem sabskripsen blong Wajtaoa mo Wekap!, seremaot buk ya Mankind’s Search for God, mo fasin blong livim traket long wan man we i bisi. Afta long wan pleplei, tokbaot wetem kongregesen from wanem pleplei ya i wokgud.
Singsing 21 mo laswan prea.