?Haoa Blong Miting Blong Yu i Mas Jenis, No Nogat?
Sipos sam kongregesen we oli stap yusum sem Haos Kingdom, oli agri blong jenisim taem blong miting blong olgeta, oli mas mekem samting ya stat long Janewari namba 1. Sipos oli wok tugeta blong folem disisen we oli mekem finis, samting ya i soem se oli lavlavem olgeta mo oli tingbaot narawan. Sipos oli jenisim haoa blong miting, hemia i blong givhan long yu, blong mekem se i moa isi blong yu save kam long ol miting.
Wan samting bakegen: ating jenis blong haoa blong miting long yia ya, i no stret tumas long prapa program blong yu. Maet yu nid blong jenisim smol program blong yu, mo samting ya i mekem yu trabol lelebet. Evriwan we oli glad blong wok tugeta long saed ya, oli soem se oli laekem ol nyufala plan ya, mo samting ya i mekem se evriwan i save kasem blesing from.
Yes, maet yu no laekem tumas ol nyufala haoa blong miting. Be, yu save jenisim smol program blong yu blong yu kam evri wik long ol miting we i stap long program we kongregesen i stanemap. Yu yu mas traehad blong gat sem tingting olsem Deved, we i talem: “Taem ol man oli talem long mi se ‘Yumi go long haos blong Hae God, mi mi glad tumas’ ”—Sam. 122:1.