Advaes

◼ Buk we yumi yusum long Janewari: Trutok blong Soemaot Rod blong Itenel Laef long 80 VT. Long en blong manis bambae kongregesen i askem wan kredit blong 80 VT long Sosaeti, blong ol wanwan buk we ol pablisa no ol paenia oli pem. Febuwari: Yu Save Laef Foreva Long Paradaes Long Wol. Yumi seremaot long 350 VT. Yumi mas gobak bakegen blong visitim ol man we oli pem wan buk, mo traehad blong statem wan baebol stadi. Maj: Revelation​—⁠Its Grand Climax At Hand! long 350 VT. Epril mo Mei: Sabskripsen long Wajtaoa mo Wekap! magasin long 600 VT long wanwan blong tufala. NOTIS: Ol kongregesen we oli no odarem yet ol buk ya we yumi tokbaot antap, oli save putum long pepa blong oda (S-14), Mifala i Odarem Ol Buk ya, blong nekis manis.

◼ Ol kongregesen oli mas mekem ol stret plan blong mekem lafet blong Memoriol tisyia long Fraede, Epril 14, afta we san i godaon finis. Nating se i gud se wanwan kongregesen i mekem Memoriol blong hem wan, be samtaem maet oli no save mekem olsem. Long ol ples we sam kongregesen oli yusum sem Haos Kingdom, wan no moa kongregesen oli save faenem wan narafala ples blong mekem miting long sapa ya. Memoriol i no mas stat let tumas. Sipos no, be ol nyuwan oli save ting se i had blong stap long miting ya. Mo tu, taem blong wan miting i finis mo narawan i stat i no mas kolosap tumas, from we samting ya i no letem inaf taem blong talem halo long ol man we oli kam. Yumi mas gat taem blong givhan long sam blong gohed long saed blong speret. Yumi nidim taem blong harem gud wetem olgeta we i stap mo blong leftemap tingting blong narawan. Afta we oli tingtinggud long ol samting, ol elda oli mas faenemaot wanem plan i gud blong halpem olgeta we oli kam long Memoriol. Yes evriwan i mas haremgud bigwan long taem ya.

◼ Long Sande, Epril 23, 1995, bambae oli givim wan spesel pablik tok long olgeta kongregesen. Stampa tok blong hem: “En Blong Ol Gyaman Skul i Kolosap.” Mekem sua se yu askem long ol man we oli kam long Memoriol long yia ya, blong oli kam. Yumi mas reregud blong givhan long olgeta milyan studen we oli stap stadi Baebol. Bambae ol samting we oli talem afta long miting ya i leftemap tingting blong olgeta mo i pusum ol Brata blong oli stat blong givimaot wan spesel traket. Long semtaem, i poen long ol trabol we ol wanwan man oli stap fesem, mo long nid blong mekem disisen we i laenap wetem Tok blong God.

◼ Stat long Febuwari, ol seket elda bambae oli givim wan nyufala pablik tok se: “Tijing Blong God i Win Long Olgeta Ples Long Wol.” Bambae oli soem ol slaed long spesel intenasnal distrik asembli “Tijing Blong God” long sevis yia blong 1993 mo 1994. Long ol ples we oli no kasem ol slaed, bambae ol seket elda oli givim tok ya “Trastem God We i Mekem Yumi Haremgud Fulwan.” Bambae oli gohed blong mekem olsem kasem taem we ol slaed oli kamtru. Afta we oli soem ol slaed long ol kongregesen, bambae ol seket elda oli gohed blong yusum tok ya, “Trastem God We i Mekem Yumi Haremgud Fulwan” kasem taem we oli mekem plan blong nyufala tok blong seket elda, long eli 1996.

◼ Long Sevis Miting blong wik blong Janewari 9, bambae ol pablisa we oli baptaes oli save kasem wan kad blong blad, Advance Medical Directive/Release kad mo Aedentiti kad blong ol pikinini blong olgeta.

◼ Evri nyuwan we i tekem baptaes, i mas kasem tufala pepa long saed blong ol medikol problem, we oli kamaot long Kingdom Wok Blong Yumi, blong Novemba 1990 mo Septemba 1992. Bambae Sosaeti i sanem ol pepa oli kam. Ol elda oli mas folem ol advaes ya.