Advaes

◼ Buk we yumi seremaot long Septemba: Man We i Hae Moa blong 300 VT, mo yumi mas traehad blong statem sam nyufala Baebol stadi. Oktoba mo Novemba: Sabskripsen blong Wekap! no Wajtaoa blong 600 VT (blong wan yia) no 300 VT (blong Wajtaoa blong 6 manis). Evri pablisa i mas traehad blong kasem wan sabskripsen. NOTIS: Ol kongregesen we oli no odarem ol buk antap yet, oli mas mekem olsem long nekiswan Pepa Blong Odarem Ol Buk (S-14) we oli stap fulumap evri manis.

◼ Presiden elda no wan we hem i jusumaot, i mas jekem ol kaon blong kongregesen long Septemba 1 no kolosap biaen long taem ya. Talem long kongregesen taem hem i finisim wok ya.

◼ Ol pablisa we oli wantem mekem wok blong haftaem paenia long manis Oktoba, oli mas fulumap pepa kwiktaem. Samting ya bambae i mekem se ol elda oli gat taem blong kasem naf buk mo blong mekem plan blong teritori.

◼ Mifala i pulum tingting blong ol elda blong lukluk bakegen long ol advaes long Wajtaoa blong Epril 15, 1991, pej 21 kasem 23, long saed blong ol man we kongregesen i bin putumaot olgeta no olgeta nomo oli aot long kongregesen, we maet oli wantem traehad blong kambak naoia.

◼ Wan nyufala Watchtower Publications List i rere nao, mo ol kongregesen wanwan bambae oli kasem fo kopi blong olgeta. Wan i mas go long sekretari, mo tri narawan oli mas go long ol brata we oli stap lukaot long ol buk, ol magasin, mo ol kaon blong kongregesen.

◼ Ol sabskripsen: Det we oli makem long pepa ya Expiring Subscription ­(M-91 mo M-191) blong soem wetaem wan sabskripsen bambae i finis, i sem mak long det blong laswan magasin we Sosaeti bambae i sanem bifo we sabskripsen ya i finis. Eksampel, 22/09/95 i minim Wekap! blong Septemba 22, 1995. Hemia i laswan magasin bifo we sabskripsen i finis. Hemia i no minim se yu save wet kasem dei ya blong sanem pepa i go long Sosaeti, blong mekem sabskripsen ya bakegen. Yu mas mekem samting ya longtaem bifo long dei ya. Sipos no, hemia we i stap kasem sabskripsen bambae i mestem sam magasin. Long eksampel antap, sipos yu sanem i kam long Septemba 1, hemia i let finis.

◼ Long Vanuatu, Distrik Asembli Ya “Ol Hapi Man Blong Presem God” bambae i stap long Haos Kingdom, Luganville, Santo, long Desemba 8 kasem 10, 1995.