Advaes

◼ Buk we yumi seremaot long manis Janewari mo Febuwari: Revelesen​—⁠Kolosap Nao i Kasem Nambawan En Blong Hem! blong 350 VT. Maj: Save Blong Lidim Yu Long Laef We i No Save Finis. Epril: Sabskripsen blong Wajtaoa. Sabskripsen blong Wekap! tu long Engglis mo Franis. Long teritori we yumi wok long hem oltaem, i gud blong seremaot ol buklet tu (be yumi no mas yusum tufala ya Education mo School). NOTIS: Ol kongregesen we oli no odarem ol buk antap yet, oli mas mekem olsem long nekiswan pepa blong odarem ol buk (S-14).

◼ Ol kongregesen oli mas mekem plan blong Memoriol long yia ya long Tasde, Epril 2, afta we san i godaon. Memoriol i no mas stat let tumas. Sipos i let, maet ol nyuwan oli faenem i had blong kam long miting ya. Yumi mas gat taem bifo mo afta long miting, blong mekem plan blong visitim ol nyuwan, blong oli gohed moa long saed blong speret. Mo yumi nidim taem blong haremgud wetem olgeta we oli stap mo blong leftemap tingting blong olgeta. Afta we ol elda oli tingtinggud long olgeta samting, oli mas mekem disisen se wanem plan nao i gud moa blong halpem olgeta we oli kam long Memoriol, blong haremgud fulwan long taem ya.

◼ Spesel tok kolosap long taem blong Memoriol long yia ya i stap long Sande, Epril 21, 1996. Stampa tok blong hem: “Holemtaet Fasin Blong No Gat Poen, Long Medel Blong Ol Rabis Man Blong Naoia.” Ol elda bambae oli kasem wan plan blong tok ya. Ol kongregesen we seket elda i stap wetem olgeta long dei ya, no we oli gat wan seket asembli, no wan spesel dei asembli, bambae oli gat spesel pablik tok ya long wik we i kam biaen. Kongregesen i no mas mekem spesel tok ya bifo Epril 21.

◼ Long Febuwari, mo i no bitim Maj 3, seket elda bambae i stat blong givim nyufala pablik tok ya long ol kongregesen: “Wan Kongregesen We i Stap Tru Long God Mo We Kraes i Lidim.”