Advaes

◼ Buk we yumi seremaot long Janewari: Wan long ol buklet we oli gat 32 pej we kongregesen i gat finis, blong 40 VT. Febuwari: Revelesen​—Kolosap i Kasem Nambawan En Blong Hem! blong 350 VT. Maj: Nyufala buklet ya, ?Wanem Samting We God i Wantem Yumi Blong Mekem? Epril: Buklet ya, ?Wanem Samting We God i Wantem Yumi Blong Mekem? Yumi save seremaot ol Watjaoa mo Wekap! tu.

◼ Olgeta pablisa we oli tekem baptaes finis, mo we oli stap long Miting blong Kingdom Wok long wik we i stat long Janewari 13, bambae oli kasem wan Kad blong Hospital, mo bambae oli kasem Aedentiti Kad blong ol pikinini blong olgeta.

◼ Stat long Febuwari mo bifo Maj 2, nyufala pablik tok we seket elda bambae i givim hemia “Yusum Edukesen Blong Presem Jeova.”

◼ Ol kongregesen oli mas mekem ol stret plan blong mekem Memoriol long yia ya long Sande, Maj 23, afta we san i godaon. Tok i save stat bifo we san i godaon, be oli mas pasem bred mo waen blong Memoriol afta we san i godaon nomo. Faenemaot wanem taem san i godaon long ples blong yufala. Bambae i no gat ol narafala miting long dei ya, miting blong prij nomo. Taswe, yufala i mas jenisim taem blong Wajtaoa Stadi mo mekem long wan narafala taem. Ol seket elda oli mas jenisim program blong ol miting blong wik ya, blong mekem i stret long kongregesen we oli stap long hem. I moagud sipos olgeta kongregesen wanwan oli save mekem prapa Memoriol blong olgeta, be sam samtaem i no gat rod blong mekem olsem. Sipos plante kongregesen lelebet oli yusum wan Haos Kingdom, maet wan no bitim wan kongregesen oli save faenem wan narafala haos blong mekem Memoriol long hem long naet ya. Memoriol i no mas stat let tumas mekem se i hadwok long olgeta we oli intres blong kam long hem. Mo tu, ol miting oli no mas hareap tumas, we i no gat taem bifo mo afta long Memoriol, blong talem halo long ol nyuwan we oli kam, mekem plan blong gohed blong givhan long olgeta long saed blong speret, mo blong haremgud long ol storeyan we i leftemap tingting. Afta we ol elda oli tokbaot evri samting long saed blong Memoriol, oli mas mekem disisen se wanem plan nao i moagud, blong bambae olgeta we oli kam oli kasem plante gudfala samting from miting ya.

◼ Spesel pablik tok kolosap long Memoriol long 1997, hemia long Sande Epril 6. Bambae Sosaeti i sanem plan blong hem i kam. Ol kongregesen we seket elda i stap visitim olgeta long wik blong spesel tok ya, no we oli stap mekem seket asembli no spesel dei asembli long wiken ya, bambae oli gat spesel tok long wik we i kam biaen. I no mas gat wan kongregesen we i mekem spesel tok ya bifo Epril 6.

◼ Bodi blong ol elda oli mas save ol samting we oli mas jenisim long kongregesen taem i gat asembli: Long wik blong wan spesel dei asembli, kongregesen i save mekem ol miting olsem ol narafala wik, be Pablik Tok mo Wajtaoa Stadi nomo, oli no mekem. Taem kongregesen i gat wan seket asembli, bambae i no gat Tiokratik Skul mo Miting blong Kingdom Wok tu. Bambae oli mekem Buk Stadi nomo long wik ya.