Advaes

◼ Buk we yumi seremaot long Maj: Save Blong Lidim Yu Long Laef We i No Save Finis blong 130 VT. Epril mo Mei: Buklet ya ?Wanem Samting We God i Wantem Yumi Blong Mekem? blong 40 VT. Yumi save seremaot ol Wajtaoa mo Wekap! tu, wetem tingting blong kasem sabskripsen. Jun: Save Blong Lidim Yu Long Laef We i No Save Finis blong 130 VT. Traehad blong statem ol nyufala Baebol stadi.

◼ Presiden elda no wan we hem i jusum, bambae i jekem ol kaon blong kongregesen long Maj 1 no kwiktaem biaen. Talem long kongregesen taem hem i mekem wok ya finis.

◼ Long yia ya, long bighaf blong ol kongregesen, spesel pablik tok we i joen wetem Memoriol, bambae yumi mekem long Sande, Epril 6. Nem blong tok ya, “Stap Klin Long Ol Doti Blong Wol.” Yumi evriwan i mas kam, mo yumi mas givhan long ol man we oli soem intres mo we oli bin kam long Memoriol, blong oli kam long tok ya tu. Samting we yumi harem, bambae i rili pusum yumi blong mekem tingting blong yumi i strong moa, blong mekem God i glad.

◼ Blong kasem plante gudfala samting long ol stadi blong kongregesen long buk ya Man We i Hae Moa, plis luklukbak long ol gudfala tok blong lidim yumi long Kingdom Wok Blong Yumi, Septemba 1992, pej 1. Haf ya i eksplenem olsem wanem blong mekemrere ol stadi, mo plan we brata bambae i folem blong lidim Buk Stadi. Ol brata we oli lukaot long ol Buk Stadi mo ol narafala we oli kam, bambae oli faenem se save ya i givhan long olgeta.

◼ Long evri ples, long ol wanwan taem blong yia, i gat ol holide blong wol we oli givim spel long ol pikinini long skul mo long ol man blong wok. Hemia ol nambawan jans blong kongregesen i mekem moa long wok blong prij. Ol elda oli mas tingbaot wetaem ol holide bambae oli kamaot, mo longtaem bifo, oli mas talemaot long kongregesen ol plan we oli stap mekem blong prij long ol grup long taem blong ol holide ya.

◼ Long wik we i stat long Maj 24, bambae yumi stat stadi long buk Save long Bukstadi blong Kongregesen.