Miting Blong Kingdom Wok Blong Janewari

Wik We i Stat Long Janewari 4

Singsing 36

10 menet: Lokol mesej. Jusum sam Advaes long Kingdom Wok Blong Yumi. Sipos taem blong ol miting i jenis long Janewari 1, talem long evriwan se oli mas tingbaot samting ya long wok blong prij, taem oli tokbaot ol miting long ol studen mo long olgeta we oli intres.

15 menet: “Yusumgud Ol Buk Blong Yumi.” Kwestin mo ansa. Talem ol buk we yumi gat, olsem Save no Family Happiness buk. Tokbaot ol nambawan poen blong ol buk ya, mo eksplenem olsem wanem yumi save seremaot ol buk ya long narafala man. Leftemap tingting blong ol pablisa blong seremaot ol buk ya long wok blong prij mo taem oli tekem jans long manis Janewari. Mekem wan pleplei we i sot mo i isi.

20 menet: Rere Naoia Blong Sapotem Loa Blong God long Saed Long Blad. Wan elda we i naf i tokbaot from wanem i impoten blong fulumap Kad Blong Hospital. God i pulum Deved blong raetem vas blong Ol Sam 19:​7, mo vas ya i soem long yumi se Ol Wok 15:28, 29 i wan loa blong God we i stret long Blad. Ol man we oli stap tru long God oli traehad blong sapotem loa ya. Kad ya i letem ol man oli save strong tingting blong yu long saed ya. Kad ya i save toktok long ples blong yu taem yu no naf blong toktok. (Skelem wetem Proveb 22:3.) Wan niufala kad i talem bakegen disisen blong yu blong no tekem blad. Biaen long miting ya, ol Witnes we oli baptaes mo oli wantem wan niufala kad bambae oli save kasem wan. Ol witnes we oli gat pikinini we oli no baptaes bambae oli kasem Aedentiti Kad blong ol wanwan pikinini blong olgeta. Yu mas fulumap gud ol kad ya. Ol elda, antap moa olgeta we oli lidim buk stadi, bambae oli lukaot se ol kad ya i gat saen finis long hem, mo dei we oli raetem kad ya. Samting ya i givhan long grup blong buk stadi blong oli kasem help we oli nidim blong fulumap kad ya. Olgeta we oli no stap long miting ya be oli wantem fulumap mo saenem kad ya, bambae ol brata we oli lidim wan buk stadi, no ol elda, oli givhan long olgeta ya long nekis Miting Blong Kingdom Wok, gogo kasem ol pablisa we oli baptaes oli kasem kad blong olgeta mo oli fulumap gud. (Lukluk leta blong Novemba 5, 1997.) Ol pablisa we oli no baptaes oli save raetem wan pepa blong olgeta mo blong ol pikinini blong olgeta tu. Pepa ya i save folem ol tok blong kad ya mo tokbaot ol samting we oli stret long olgeta, mo eksplenem bilif blong olgeta.

Singsing 61 mo laswan prea.

Wik We i Stat Long Janewari 11

Singsing 88

10 menet: Lokol mesej. Ripot blong ol kaon. Tokbaot ol plan blong wok blong prij long Janewari.

20 menet: “Hemia Disisen Blong Yumi: Yumi Folem Fasin Blong Laef We God i Glad Long Hem.” Givim wan tok. Mo tu leftemap tingting blong olgeta we oli joen oltaem long ol faef miting blong wik.

15 menet: “Yufala i Mas Mekem Tingting Blong Yufala i Longfala.” Toktok blong wan famle. Oli tokbaot olsem wanem oli save mekem se longfala tingting i kam bigwan moa long wok blong prij blong olgeta. Ademap sam tok we oli kamaot long Wajtaoa blong Jun 15, 1995, pej 12.

Singsing 135 mo laswan prea.

Wik We i Stat Long Janewari 18

Singsing 169

5 menet: Lokol mesej.

10 menet: Lokol nid.

15 menet: “Olgeta We Oli Lidim Kongregesen​—Elda We i Lukaot Long Buk Stadi.” Wan brata we i givim gudfala eksampel long fasin blong lidim wan buk stadi, i givim wan tok we i tokbaot wok blong hem. Hem i soem olsem wanem wok ya i givhan blong kongregesen i gru mo i harem gud long saed long spirit. Ademap ol stamba poen we oli stap long buk ya Ol Rul Blong Mekem Minista Wok Blong Yumi, pej 43-5, 74-6 long Engglis mo pej 43-5, 75-7, long Franis.

15 menet: “!Gohed Blong Gru Long Saed Blong Spirit!” Tok we i kamaot long Wajtaoa, Oktoba 1, 1998, pej 28-31.

Singsing 197 mo laswan prea.

Wik We i Stat Long Janewari 25

Singsing 201

10 menet: Lokol mesej.

15 menet: “Namba Blong Ol Aoa We Ol Paenia Oli Mas Kasem i Jenis.” Wan elda i givim tok ya.

20 menet: ?Yufala i Ridimgud Baebol Evri Dei? Givim wan tok mo tu storeyan wetem olgeta we oli stap lesin. Evri yia Sosaeti i givim buklet ya Ridimgud Baebol Evri Dei. ?Yu wan no wetem famle blong yu, yu stap yusumgud buklet ya? Eksplenem from wanem yumi haremgud taem yumi lukluk ol vas blong Baebol evri dei. Tokbaot fastok blong Ridimgud Baebol Evri Dei​—1999, long pej 3-4. (Sipos yu no kasem hem yet, yusum buklet blong 1998) Askem long sam pablisa blong talem olsem wanem, olgeta wanwan, no wetem ful famle blong olgeta, oli traehad mo oli gohed long fasin blong lukluk evri dei vas blong Baebol mo komen blong hem.

Singsing 225 mo laswan prea.