Miting Blong Kingdom Wok Blong Febuwari
Wik We i Stat Long Febuwari 1
Singsing 154
10 menet: Lokol mesej. Sam Advaes long Kingdom Wok Blong Yumi. Talem long evriwan blong putum ripot blong manis Janewari.
17 menet: “Invaetem Ol Narafala Blong Folem Man We i Hae Moa.” Wan elda i tokbaot haf ya wetem tu no tri pablisa we oli naf. Mekem pleplei folem wan fastok we i stap long haf ya. Soem olsem wanem blong mekem wan gudfala plan blong visitim ol man bakegen.
18 menet: “Kam Wan Niufala Man.” Wan tok we i kavremap Efesas 4:20-24. (Lukluk Wajtaoa blong Maj 1, 1993, pej 14-18, paragraf 4-17.) Eksplenem olsem wanem blong karemaot olfala fasin blong laef mo putum niufala fasin. Tokbaot sam long ol fasin we oli makemaot man we i putum niufala laef ya finis.
Singsing 4 mo laswan prea.
Wik We i Stat Long Febuwari 8
Singsing 12
10 menet: Lokol mesej. Ripot blong ol kaon.
20 menet: “Statem Stadi Wetem Buklet Ya Wanem.” Wan tok wetem kwestin mo ansa.
15 menet: “!Man We i Wokem Yumi i Kea Long Yumi!” Kwestin mo ansa. Eksplenem olsem wanem yumi save yusum niufala buk ya Creator blong halpem ol man we bilif blong olgeta long God i hafhaf no oli no bilif long Hem. Nating sipos ol pablisa oli fraet lelebet blong toktok wetem ol man olsem, we plante taem oli blong nara kantri, oli save soem buk ya mo talem se buk ya i blong givhan long ol man we oli gat tingting ya. Ol pikinini tu, oli save soemaot buk ya long ol tija blong olgeta. I tru se, yumi no yusum buk ya blong stadi Baebol wetem ol man, be hem i wan gudfala tul we yumi save yusum blong pulum ol man blong jekemap olgeta samting we Baebol i talem. (Lukluk buk ya Creator, pej 189-191.) Askem ol pablisa blong talem tingting we oli gat long saed blong buk ya mo blong talem eni ekspiryens we i kamaot taem oli seremaot buk ya long narafala.
Singsing 173 mo laswan prea.
Wik We i Stat Long Febuwari 15
Singsing 40
10 menet: Lokol mesej.
18 menet: ?Olsem Wanem Yumi Save Kasem Blesing Taem Yumi Joen Long Tiokratik Skul? Wan storeyan we brata we i lukaot long skul i mekem wetem olgeta we oli lesin. Skul ya i no jes trenem yumi blong gat gud han blong toktok long fored blong ol man. I gat sam narafala blesing tu we yumi save kasem from skul ya. (Lukluk School Guidebook, pej 12-13.) Yumi lanem olsem wanem blong storeyan gud moa wetem ol narafala man. Hem i tijim yumi blong tok klia, i mekem yumi naf blong skelem tok blong yumi stret long ol defren man, mo i mekem yumi no fraet blong toktok. Yumi kam gud moa blong ansarem ol kwestin we man i askem long saed blong bilif blong yumi. Yumi save olsem wanem blong eksplenem ol disisen blong yumi we oli stanap long Baebol. Save blong yumi long saed blong Baebol i kam antap moa, mo from samting ya yumi gat gudhan blong givim witnes long narafala. Yumi lan blong luksave ol mastik blong yumi mo blong akseptem fasin stretem, i trenem yumi blong gat kwaet fasin taem yumi stretem problem wetem narafala. Be, stamba trening we skul ya i givim long yumi i halpem yumi blong “i naf blong wok” oltaem olsem ol minista blong God.—2 Kor. 3:5, 6.
17 menet: “Olsem Wanem Evriwan Long Famle Oli Wok Tugeta—Blong Stadi Baebol.” Wan famle i storeyan tugeta. Oli skelem sipos oli stap folem ol advaes long saed blong famle Baebol riding mo stadi olsem we i stap long Wajtaoa blong Mei 15, 1996, pej 14-15, mo Wajtaoa blong Oktoba 15, 1992, pej 16-17.
Singsing 57 mo laswan prea.
Wik We i Stat Long Febuwari 22
Singsing 170
10 menet: Lokol mesej.
15 menet: “?From Wanem Yumi Mas Raetemdaon Ol Haos We Oli No Gat Man?” Tokbaot wan haf we i stap long Kingdom Wok blong Mei 1995. Storeyan wetem tu no tri pablisa.
20 menet: Olsem Wanem Blong Kasem Glad Long Wok Blong Mekem Disaepol. Wan tok we i stanap long Wajtaoa blong Febuwari 15, 1996, pej 19-22.
Singsing 91 mo laswan prea.