Ol Miting Blong Kingdom Wok
Wik We i Stat Long Septemba 11
Singsing 139
10 menet: Lokol mesej. Sam Advaes long Kingdom Wok Blong Yumi.
15 menet: “Ol Blesing Blong Jeova Oli Mekem Yumi Rij.” Mekem wan fastok we i no bitim wan menet, mo gohed wetem ol kwestin mo ansa.—Lukluk Insight, Buk 2, pej 804, paragraf 6-7.
20 menet: “Yusum Ol Nius Blong Pulum Intres.” Storian wetem ol man we oli lesin mo mekem sam pleplei. Tokbaot sam lokol nius we oli rili pulum intres blong ol man long ples blong yufala. ?Ol nius ya oli mekem ol man oli wari long saed blong wanem samting long fiuja? Yusum Reasoning buk, pej 10-11, mo soemaot olsem wanem blong rerem wan fastok folem ol defren poen insaed long buk ya we oli save pulum man blong wantem tokbaot Baebol wetem yumi. Rerem tu pleplei we oli save wokgud long ples blong yufala.
Singsing 224 mo laswan prea.
Wik We i Stat Long Septemba 18
Singsing 2
10 menet: Lokol mesej. Ripot blong ol kaon.
15 menet: ?Wok Blong Yumi i Olsem Wanem Las Yia? Elda we i lukaot long wok blong prij i mekem tok ya. Lukluk bakegen sam nambawan ripot we kongregesen i kasem long 2000 sevis yia. Talem ol gudfala tok from nambawan wok we kongregesen i bin mekem. Makem sam samting we kongregesen i nidim blong kam moa gud long hem. Tokbaot namba blong ol man we oli kam long ol miting, namba blong ol niufala stadi we kongregesen i statem, mo talem sipos evriwan i bin joen plante long wok blong prij, no nogat. Talem sam gudfala mak we kongregesen i save traem blong kasem long yia we i kam.
20 menet: “!Laef Blong Plante Man i Stap Long Denja!” Storian wetem ol man we oli lesin. Mekem ol vas we oli stap long haf ya oli klia gud.
Singsing 30 mo laswan prea.
Wik We i Stat Long Septemba 25
Singsing 93
15 menet: Lokol mesej. Talem bakegen long ol pablisa se oli mas putum ripot blong manis Septemba. Lukluk bokis ya Ansa Long Wan Kwestin.
15 menet: Lokol nid.
15 menet: Ol Magasin Blong Yumi Oli No Lusum Praes Blong Olgeta. ?Yu yu mekem wanem taem ol olfala kopi blong Wajtaoa mo Wekap! oli stat hivap long ples blong yu? Sam pablisa maet oli sakem ol magasin ya, from we oli ting se ol stori blong ol magasin ya oli pas finis. Be, Kingdom Wok blong Septemba 1993, pej 3, i pulum yumi blong karem sam long ol olfala magasin ya i go wetem yumi mo givim long man we i nidim. Yu save jusum sam haf we maet oli save pulum intres blong ol man, ol woman, ol bisnesman, ol olfala, mo ol yangfala; ale, holem ol magasin ya i stap oltaem wetem yu blong yusum olgeta taem i gat janis blong mekem olsem. Mekem wan pleplei blong soemaot olsem wanem maet yumi save jusum mo givimaot ol magasin folem rod ya. Tokbaot sam gudfala ekspiriens we ol pablisa oli bin kasem taem oli seremaot ol olfala magasin.
Singsing 115 mo laswan prea.
Wik We i Stat Long Oktoba 2
Singsing 169
15 menet: Lokol mesej. Letem kongregesen i save long saed blong spesel wok ya blong seremaot Kingdom Nius namba 36, we bambae i stat long Mande, Oktoba 16, mo we bambae i finis long Wenesde, Novemba 15. Pulum evriwan, ol yangfala mo ol niuwan tu, blong traem joen moa long wok blong prij long taem ya. Ol brata we oli lidim ol Buk Stadi oli mas stat naoia blong leftemap tingting mo mekem plan blong bambae evriwan insaed long grup blong olgeta oli givim bes blong olgeta long wok ya. Talem sam gudfala ekspiriens we oli kamaot lastaem we yumi bin seremaot Kingdom Nius.
15 menet: “?Bambae Yumi Muf i Go Long Defren Ples?” Wan elda i givim tok ya. Jenisim tok ya folem nid blong ples blong yufala. Eksplenem from wanem i nidim fasin luksave taem yumi mekem disisen blong muf i go long wan narafala ples. Tokbaot olsem wanem yumi save mekem advaes blong Ol Proveb 22:3 i wok. Tokbaot sam long ol woning we Wajtaoa blong Ogis 15, 1988 (long Inglis), i givim long pej 22.
15 menet: Ol ekspiriens Long Fasin Blong Statem Storian. Long miting blong Kingdom Wok we yumi mekem long wik blong Septemba 11, yumi lanem olsem wanem blong yusum ol laswan nius blong pulum intres mo statem storian wetem ol man long wok blong prij. (Lukluk buk ya Reasoning, long pej 10-11.) Askem long olgeta we oli lesin blong talem sam gudfala frut we oli kasem taem oli yusum rod ya.
Singsing 205 mo laswan prea.