Advaes

◼ Buk we yumi seremaot long Februari: Revelesen​—⁠Kolosap I Kasem Nambawan En Blong Hem!, Save Blong Lidim Yu Long Laef We i No Save Finis, no Spesel Rod Blong Mekem Famle i Hapi. Maj: Save Blong Lidim Yu Long Laef We i No Save Finis. Bambae yumi traehad blong statem ol Baebol stadi. Eprel Mo Mei: Seremaot Wajtaoa mo Wekap! Sipos yumi gobak blong visitim ol man we oli intres, yumi save askem olgeta blong mekem sabskripsen. Soemaot Save buk no buklet Wanem long man, wetem tingting ya blong statem Baebol stadi.

◼ Presiden elda no wan we hem i jusumaot, i mas jekem ol kaon blong kongregesen long Maj 1 no kwiktaem afta long dei ya. Taem wok ya i finis, talemaot long kongregesen afta we yufala i ridimaot finis nekis ripot blong ol kaon.

◼ Sekretari mo elda we i lukaot long wok blong prij tufala i mas lukluk bak long wok blong ol fultaem paenia. Sipos sam long olgeta oli faenem se i hadwok blong kasem ol aoa, ol elda oli mas mekem plan blong givhan long olgeta. Blong kasem advaes long saed ya, lukluk ol leta blong Sosaeti (S-201). Mo tu, lukluk pepa we i stap insaed long Kingdom Wok blong Ogis 1986, haf 12-20.

◼ Sekretari i mas luk se Rijenol Bilding Komiti i save gud long ol jenis we ol pablisa we oli baptaes finis oli mekem naoia, we oli bin fulumap mo givim ol fom ya (S-82) Kwestin Blong Ol Volontia We Oli Wokem Ol Haos Kingdom. Sipos i gat sam jenis long saed long wan pablisa, maet hem i muf i go long narafala ples no oli jusumaot hem blong kam wan man blong givhan no wan elda, oli mas fulumap ol niufala pepa ya kwiktaem mo givim long olgeta we oli lukaot long wok ya. Sipos adres no telefon namba blong wan volontia i jenis, no sipos hem i no moa folem ol stret rul insaed long kongregesen, ol elda oli mas kwik blong raetem wan leta long Rijenol Bilding Komiti.

◼ Taem ol pablisa oli stap wok long wan eria we i no stap long ol kad blong teritori, oli save seremaot buk Save no buklet Wanem. Ol pablisa oli save soemaot eni narafala buk long man sipos hem i gat tufala buk ya finis. Evri pablisa i save karem ol defdefren kaen traket, blong putum long haos blong man we i no stap, no oli save givim long ol man we oli no karem buk. Ol pablisa oli mas traehad blong gobak blong luk olgeta we oli soem intres, antap moa, long ol eria we ol spesel paenia oli save wok long hem, no we oli klosap long ol kongregesen.

◼ Ol Niufala Buk:

2001 Kalenda​—⁠Jaenis

Ridimgud Ol Tok Blong Baebol Evri Dei 2001​—⁠Franis, Solomon, Vietnamis

How to Find the Road to Paradise (blong ol man Muslim)​—⁠Franis

Jehovah’s Witnesses​—⁠Who Are They? What Do They Believe?​—⁠Franis, Vietnamis

Questions Young People Ask​—⁠Answers That Work​—⁠Vietnamis

◼ Ol Niufala kaset:

Kingdom Melodies​—⁠9

Warning Examples for Our Day (Drama, wan kaset)​—⁠Inglis

◼ Ol Niufala CD:

Kingdom Melodies​—⁠9

◼ Ol Niufala Buk Bakegen:

New World Translation of the Holy Scriptures Regular (bi12)​—⁠Franis

Mekem Singsing Long Jeova (Bigfala Leta)​—⁠Franis

The Divine Name That Will Endure Forever​—⁠Inglis

Theocratic Ministry School Guidebook​—⁠Inglis, Franis

T-18 Jehovah’s Witnesses​—⁠What Do They Believe? (blong ol man Jiu)​—⁠Inglis

◼ Ol Niufala Kaset Bakegen:

Esikel​—⁠Inglis

Aesea​—⁠Inglis

Jeremaea, Ol Krae​—⁠Inglis

Kingdom Melodies No. 1​—⁠Inglis