Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Ogis 30, 2004. Brata we i lukaot long skul bambae i mekem haf ya blong 30 menet. Bambae yumi lukluk bakegen long ol samting we yumi bin tokbaot, stat long Julae 5 kasem Ogis 30, 2004. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Olsem wanem yumi save ‘toktokgud mo soem ona long ol man’ taem yumi eksplenem hop blong yumi long olgeta? (1 Pita 3:16) [be pej 192 haf 2-4]
2. ?From wanem i impoten we ol toktok blong yumi i soem strong bilif? (Rom 8:38, 39; 1 Tes. 1:5; 1 Pita 5:12) [be pej 194]
3. ?Olsem wanem yumi soem bilif long ol toktok blong yumi? [be pej 195 haf 3–pej 196 haf 4]
4. ?Olsem wanem blong toktok long fasin we yumi no spolem filing blong narafala? ?From wanem samting ya i impoten? ?Olsem wanem yumi save tok stret be long semtaem yumi no spolem filing blong narafala? (Rom 12:18) [be pej 197]
5. ?Man we i toktok long fasin we i no spolem filing blong narafala, hem i tingbaot wanem samting bifo we hem i toktok? (Prov. 25:11; Jon 16:12) [be pej 199]
TOK N. 1
6. ?Olsem wanem ol storian blong yumi mo fasin blong yumi blong stadi oltaem, oli soemaot sipos yumi stap gohed gud long trutok? [be pej 74 haf 3–pej 75 haf 2]
7. ?Wanem mining blong tok ya se yumi mas “pemaot taem” blong mekem ol gudfala wok? ?Olsem wanem yumi save mekem samting ya? (Efes. 5:16, NW ) [w02 11/15 pej 23]
8. ?Baebol i talem wanem blong soem se olgeta man oli sem mak long ae blong God? ?Olsem wanem tingting ya i save halpem yumi long wok blong prij? [w02 1/1 pej 5, 7]
9. ?Wanem mining blong spesel nem blong God, Jeova? [w02 1/15 pej 5]
10. ?Wanem i mekem se presen we Ebel i givim long God “i gud moa” i winim presen we Ken i givim? ?Samting ya i tijim yumi long wanem samting long saed blong ‘sakrefaes we yumi givim blong leftemap nem blong God’? (Hib. 11:4; 13:15) [w02 1/15 pej. 21 haf 6-8]
BAEBOL RIDING BLONG WIK
11. ?Olsem wanem Levitikas 18:3 i save givhan long yumi blong holemtaet stret tingting long saed blong samting we i stret mo samting we i no stret? (Efes. 4:17-19) (w02 2/1 pej 29)
12. ?Wanem mining blong “tu bred” we hae pris i ‘leftemap long fes blong God olsem wan spesel presen’ long Lafet blong ol Wik (Pentekos)? (Lev. 23:15-17) [w98 3/1 pej 13 haf 21]
13. Namba japta 5, i talem se wan woman we i slip wetem man we i no man blong hem, ‘ples blong pikinini long bel blong woman ya bambae i kam drae.’ ?Wanem mining blong tok ya? (Nam. 5:27) [w84 4/15 pej 29 (Inglis)]
14. ?From wanem Meriam mo Eron tufala i tok agens long Moses long saed blong woman Itiopia we hem i tekem? (Nam. 12:1)
15. ?Wanem ya “buk ya we nem blong hem Ol Stori blong ol Faet we Hae God i Mekem”? (Nam. 21:14)