Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Ogis 29, 2005. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Julae 4 kasem Ogis 29. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Taem yumi tokbaot hop blong yumi long ol narafala, olsem wanem yumi save “soemaot long olgeta man se [yumi] no stap mekem i strong tumas long olgeta,” mo from wanem fasin ya i impoten? (Fil. 4:5, NW; Jem. 3:17) [be pej 251 haf 1-3, bokis]
2. ?Taem yumi save wetaem blong lego, olsem wanem fasin ya i givhan long yumi blong storiangud wetem ol narafala? [be pej 253 haf 1-2]
3. ?From wanem i impoten blong yusumgud ol kwestin taem yumi halpem wan man blong i tingting gud long wan poen? [be pej 253 haf 3-4]
4. ?Wanem ol samting we yumi mas tingbaot sipos yumi wantem se tok blong yumi i pulum ol man blong oli bilif? [be pej 255 haf 1-4, bokis; pej 256 haf 1, bokis]
5. ?Wanem samting yumi mas tingbaot sipos yumi wantem yusum ol pruf afsaed long Baebol blong sapotem toktok blong Baebol? [be pej 256 haf 3-5, bokis]
TOK N. 1
6. ?Wanem klia pruf i soem se Jisas i bin laef long wol ya? [w03 6/15 pej 4-7]
7. ?Olsem wanem ‘tok blong stret man i save sevem hem,’ mo olsem wanem famle blong stret man i save “stap gud”? (Prov. 12:6, 7) [w03 1/15 pej 30 haf 1-3]
8. ?From we Baebol i no givim wan loa long evri samting, olsem wanem yumi naf blong ‘save olgeta samting we Jeova i wantem’? (Efes. 5:17) [w03 12/1 pej 21 haf 3–pej 22 haf 3]
9. ?Wanem rul blong Baebol we i save givhan long puaman? [w03 8/1 pej 5 haf 2-5]
10. ?Olsem wanem fasin blong Jeova blong givim samting i fri nomo, i save gat paoa long yumi? (Mat. 10:8) [w03 8/1 pej 20-22]
BAEBOL RIDING BLONG WIK
11. ?Wanem mining blong nem blong tufala pos ya, Jakin mo Boas, we tufala i stap long fran blong haos blong Hae God we Solomon i bildim? (1 King 7:15-22)
12. ?Taem King Solomon i givim presen blong 20 taon long Galili i go long King Hiram blong Taea, samting ya i laenap wetem Loa blong Moses? (1 King 9:10-13)
13. ?Wanem samting yumi save lanem long stori blong ‘wan profet blong God’ we i no obei? (1 King 13:1-25)
14. ?King Asa we i rul long Juda, i mekem wanem blong soemaot se hem i gat strong tingting, mo yumi save lanem wanem from fasin blong hem? (1 King 15:11-13)
15. ?Olsem wanem stori blong King Ehab mo Nabot i soem se yumi save kasem trabol sipos yumi stap sore long yumi wan bakegen? (1 King 21:1-16)