Advaes

◼ Buk we yumi seremaot long manis Mei: Wajtaoa mo Wekap! Taem yumi gobak blong luk olgeta we oli intres, wetem olgeta ya tu we oli no joen oltaem long kongregesen be oli kam long Memoriol mo ol narafala spesel miting, yumi mas traehad blong seremaot niufala buk ya ?Wanem Samting We Baebol i Rili Tijim? Mak blong yumi i blong statem ol Baebol stadi long buk ya. Jun: Seremaot buk ya Spesel Rod Blong Mekem Famle i Hapi. Sipos no, yu save seremaot Save buk. Julae mo Ogis: !Yu Save Kam Fren Blong God! Sipos no, yu save yusum eniwan long ol buklet ya we oli gat 32 pej blong olgeta: ?God i Rili Kea Long Yumi?, !Yu Yu Save Harem Gud Blong Olwe Long Wol!, “Look! I Am Making All Things New,” Should You Believe in the Trinity?, Spirit Blong Ol Dedman—?Oli Save Halpem Yu No Spolem Yu? ?Oli Rili Stap?, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, What Is the Purpose of Life—How Can You Find It? mo Taem Wan We Yu Laekem Hem Tumas i Ded.

◼ I gud blong mekem wok blong haftaem paenia long manis Julae, from we i gat faef wiken long hem.

◼ Presiden elda no wan brata we hem i jusumaot, bambae i jekem kaon blong kongregesen, long Jun 1 no kwiktaem biaen. Sipos kongregesen i gat wan narafala kaon long bang, maet blong pem ol samting blong fiksimap no bildim Haos Kingdom, oli mas jekem kaon ya tu. Taem wok ya i finis, talemaot long kongregesen afta we yufala i ridimaot nekis ripot blong ol kaon.

◼ I gud se pepa we pablisa i fulumap blong kam fultaem paenia, i kasem branj ofis bitim 30 dei bifo we pablisa i statem wok ya. Sekretari blong kongregesen i mas jekemgud pepa ya blong meksua se pablisa i fulumap evri haf blong hem. Sipos pablisa i no savegud stret dei we hem i bin baptaes, hem i mas talem wan dei we i klosap nomo, mo hem i mas raetemdaon dei ya blong yusum oltaem. Sekretari tu i mas makem dei ya long Kad Blong Pablisa (S-21).