Ol Miting Blong Kingdom Wok

Wik We i Stat Long Mei 8

Singsing 2

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 4, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Mei 1 mo Wekap! blong Jul./Sept. Sipos i no gat tufala magasin ya, yusum tu laswan magasin we kongregesen i kasem. Long wan pleplei, pablisa i givimaot Wajtaoa blong Mei 1 mo Wekap! blong Jul./Sept. long wan rod magasin blong hem we i no kasem Wajtaoa blong Mei 1 yet. Sipos yumi seremaot tri magasin long Franis mo Inglis, yumi storian long wan nomo. Wan no tu taem long wan manis, ol pablisa oli save visitim ol rod magasin blong olgeta.

20 minit: “Kam Biaen Long Mi.”a Blong smoltaem, askem kwestin long wan pablisa we i soemaot gudfala eksampol. Pablisa ya i traehad blong mekem laef blong hem i no fasfas mo i blokem plante samting we hem nomo i wantem, blong hem i save spenem moa taem blong mekem wok blong Kingdom i go moa mo blong givhan long ol narafala. Pablisa ya i tokbaot ol blesing we hem i kasem taem hem i mekem olsem.

15 minit: Ol stori blong prij. Askem olgeta long kongregesen blong oli tokbaot ol blesing we oli kasem taem oli traehad blong prij moa long manis Maj mo Eprel. Tokbaot ol gudfala frut long wok blong statem ol Baebol stadi mo blong givhan long ol niuwan we oli bin joen long Memoriol. Oli save mekem pleplei folem wan no tu stori blong prij.

Singsing 91 mo laswan prea.

Wik We i Stat Long Mei 15

Singsing 9

10 minit: Lokol mesej. Talem long evriwan se i gud oli wajem vidio kaset ya Noah—He Walked With God, blong oli rere from Miting Blong Kingdom Wok long wik blong Mei 29.

10 minit: Joengud Tugeta Blong Wok Aninit Long Han Blong Jisas. Wan tok we i stanap long buk ya Organized to Do Jehovah’s Will, pej 13-15, aninit long smol stamba tok ya “What Recognition of His Role Means” (“?I Minim Wanem Blong Luksave Wok Blong Hem?”).

25 minit: “Bildim Ol Haos Kingdom—Wan Impoten Haf Blong Ol Tabu Wok.”b Askem sam kwestin long samfala we oli bin joen long wok ya blong bildim mo riperem ol Haos Kingdom.

Singsing 133 mo laswan prea.

Wik We i Stat Long Mei 22

Singsing 86

12 minit: Lokol mesej. Talemaot spesel plan blong prij long Mei 25. Ridim ripot blong ol kaon mo talem tangkiu from ol presen mane. Yusum ol fastok long pej 4, no ol narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Jun 1 mo Wekap! blong Jun (Franis/Inglis). Sipos i no gat tufala magasin ya, yusum tufala laswan magasin we kongregesen i kasem. Soemaot wan famle we i stap mekem pleplei bifo we oli go long wok blong prij.

15 minit: “Soem Intres Long Man—Taem Yumi Gat Kaen Fasin Mo Respek.”c

18 minit: Lukaot Long Hea Mo Klos Blong Yumi. Kwestin mo ansa we i stanap long buk ya, Ministry School, pej 131-133. Tokbaot ol faef rul we oli laenap wetem klos mo hea blong yumi. Tokbaot se, long kaen fasin yumi save yusum haf ya blong givhan long ol Baebol studen, blong oli kasem save se wanem klos oli stret blong werem long ol miting blong kongregesen.

Singsing 215 mo laswan prea.

Wik We i Stat Long Mei 29

Singsing 42

10 minit: Lokol mesej. Talem long ol pablisa blong oli givim ripot blong prij blong manis Mei.

10 minit: Seremaot Famle buk, no Save buk long manis Jun. Yusum ol fastok long pej 3 blong Kingdom Wok Blong Yumi blong Jenuware 2005, no sam narafala fastok we oli wokgud long ples blong yufala, blong mekem pleplei blong soemaot olsem wanem blong seremaot buk ya Spesel Rod Blong Mekem Famle i Hapi, no Save Blong Lidim Yu Long Laef We i No Save Finis. Sipos i gat naf taem, askem long kongregesen blong oli tokbaot ol gudfala frut we oli bin kasem taem oli yusum buk ya long wok blong prij no long prapa famle blong olgeta.

25 minit: “Wan Eksampol Blong Ol Yangfala Mo Ol Olfala.” Afta long fastok we i no bitim wan minit, yusum ol kwestin long haf tu blong traem save blong yumi long vidio kaset blong Noah. Biaen, askem long sam famle blong oli tokbaot olsem wanem haf ya we i stap long DVD blong Noa, “Learning Activities” (“Wok We Yumi Save Mekem Blong Kasem Moa Save”) i bin givhan long olgeta. Biaen, tokbaot kwestin mo ol vas we oli stap long haf tri.

Singsing 9 mo laswan prea.

Wik We i Stat Long Jun 5

Singsing 176

10 minit: Lokol mesej.

15 minit: Lokol nid.

20 minit: ?Olsem Wanem Blong Karem Frut Long Ol Visit? Kwestin mo ansa we i stanap long bokis long pej 16 blong Wajtaoa blong Novemba 15, 2003. Tokbaot ol seven poen, mo askem long kongregesen blong talem olsem wanem oli save yusum ol poen ya long ples blong yumi. Leftemap tingting blong ol pablisa blong oli gobak luk ol man wetem mak ya blong statem Baebol stadi wetem olgeta we oli tekem ol buk blong yumi mo we oli soem intres. Yusum wan long ol fastok long pej 6 blong Kingdom Wok Blong Yumi blong Jenuware 2006, blong mekem pleplei blong soemaot olsem wanem blong askem wan visit sipos hem i wantem mekem Baebol stadi.

Singsing 57 mo laswan prea.

[Ol futnot]