Program Blong Tiokratik Skul Long Yia 2008

Rod Blong Mekem Skul Ya

Long yia 2008, bambae program blong Tiokratik Skul i olsem.

OL STAMBA BUK BLONG MEKEM OL TOK: New World Translation of the Holy Scriptures [bi12], Benefit From Theocratic Ministry School Education [be], “All Scripture Is Inspired of God and Beneficial” (we oli printim long 1990) [si], Reasoning From the Scriptures (we oli printim long 1989) [rs], mo Statem Wan Storian Long Baebol Mo Gohed Long Hem [hw].

Skul i mas stat long STRET TAEM wetem wan singsing, prea, mo smol toktok blong talem welkam long evriwan. Program i gohed folem ol haf daon. Biaen long wanwan tok, elda we i lukaot long skul bambae i talemaot nekiswan tok.

FASIN BLONG TOKTOK: 5 minit. Brata we i lukaot long skul, no namba tu brata blong givim advaes, no wan narafala elda, bambae i tokbaot wan fasin blong toktok we i stap long buk ya Ministry School. (Long ol kongregesen we i no gat plante elda, ol man blong givhan oli save mekem tok ya.)

TOK N. 1: 10 minit. Wan elda no man blong givhan i mas mekem tok ya we i stanap long Benefit From Theocratic Ministry School Education, no “All Scripture Is Inspired of God and Beneficial.” Hemia wan tok blong ten minit we i blong tijim man. Tok ya i no blong givimaot save nomo, be i blong givhan long ol man blong luk olsem wanem ol save ya i save wokgud long laef blong olgeta, taswe, brata i mas tokbaot ol poen we oli save givhan moa long kongregesen. Brata i mas yusum stamba tok we oli givim long hem. Brata we i mekem tok ya i mas meksua se hem i no bitim taem blong hem. Brata we i lukaot long skul i save givim advaes long hem sipos i gat nid, taem tufala nomo i stap.

OL BIGFALA POEN BLONG BAEBOL RIDING: 10 minit. Blong faef minit, wan elda no man blong givhan we i naf gud, bambae i tokbaot sam poen we oli save halpem kongregesen. Hem i save yusum eni haf blong Baebol riding blong wik ya. Tok ya i no blong talem nomo ol samting we ol japta oli tokbaot. Bigfala samting i blong halpem olgeta long kongregesen blong luksave from wanem mo olsem wanem ol save ya i gud long olgeta. Brata i mas lukaot gud blong no bitim faef minit long fashaf ya. Nao long faef minit we i stap, hem i save askem long kongregesen blong oli givim sam sot ansa (wanwan ansa i no mas bitim 30 seken) blong tokbaot ol samting we oli laekem long Baebol riding mo olsem wanem samting ya i givhan long olgeta. Biaen long tok ya, brata we i lukaot long skul bambae i singaot ol studen we oli gat tok long ol narafala skul, blong oli go givim tok blong olgeta.

TOK N. 2: 4 minit. Wan brata bambae i mekem riding ya. Studen we i mekem riding ya, i no mas mekem wan fastok mo lastok, hem i mas ridim nomo. Brata we i lukaot long skul i mas wantem moa blong halpem ol studen blong rid long fasin we oli kasem save long wanem we oli ridim, oli rid klia mo stret, oli makem ol impoten poen mo jenisim tiun blong voes, oli spel long stret ples, mo oli rid long fasin we i olsem prapa toktok blong olgeta.

TOK N. 3: 5 minit. Wan sista bambae i mekem tok ya. Maet hem nomo i jusum fasin blong mekem tok ya, no maet brata we i lukaot long skul i jusum, folem lis we i stap long pej 82 blong buk ya Ministry School. Studen i mas yusum stamba tok we i stap long program, mo i mas mekem tok long wan fasin blong prij we i stret long ples blong yumi mo i save wok gud long teritori blong kongregesen. Taem program i no talem wanem buk we tok blong yu bambae i kamaot long hem, yu nomo yu mas lukaot save long ol buk blong slef we i stret mo waes. Ol niufala studen bambae oli no kasem tok ya, bambae oli mekem tok nomo we oli makem buk blong hem long program. Brata we i lukaot long skul bambae i intres bigwan long wei we studen i yusum save ya blong tijim narafala, mo olsem wanem hem i halpem narafala blong tingtinggud long Baebol mo kasem save long ol bigfala poen blong tok ya. Brata we i lukaot long skul bambae i jusum wan narafala sista tu blong i joen wetem sista we i mekem tok ya.

TOK N. 4: 5 minit. Studen i mas jusum ol save we i laenap wetem stamba tok long program. Taem program i no talem wanem buk we tok ya i stanap long hem, studen i mas mekem risej long ol buk blong slef we i stret mo waes, blong faenem save blong hem. Taem wan brata i mekem tok ya, hem i mas givim olsem wan tok we i go long kongregesen. Taem wan sista i mekem tok ya, hem i mas folem ol advaes blong Tok N. 3. Brata we i lukaot long skul i save givim Tok N. 4 long wan brata enitaem we hem i luk se i gat nid. Makemgud se brata nomo i mas mekem tok we i gat wan smol sta (*) klosap long hem. Sipos i gat plante elda mo man blong givhan long kongregesen we oli naf blong mekem ol defren haf blong Tiokratik Skul mo Miting Blong Kingdom Wok, i moa gud we wan long ol elda ya no man blong givhan i mekem tok ya we i gat smol sta klosap long hem.

ADVAES: 1 minit. Bambae elda we i lukaot long skul i no talemaot poen we studen i wok long hem bifo we studen i givim tok blong hem. Afta long tok N. 2, N. 3, N. 4, bambae elda we i lukaot long skul i talemaot sam gudfala samting long saed blong ol tok ya. Hemia i no blong talem nomo se “yu mekem wan gudfala tok,” be hem i mas talem from wanem tok ya i gud. Sipos studen i nidim advaes long wan poen, elda we i lukaot long skul i save givim advaes ya afta long miting no long wan narafala taem.

TAEM: Olgeta tok oli no mas bitim taem blong olgeta, elda tu we i givim advaes i no mas bitim taem blong hem. Elda we i lukaot long skul i mas stopem Tok N. 2 kasem N. 4 sipos oli bitim taem. Sipos brata we i mekem Fasin Blong Toktok, no Tok N. 1, no ol bigfala poen blong Baebol riding, i bitim taem blong hem, elda we i lukaot long skul i save luk hem biaen long miting, blong givim advaes long hem long saed ya. Evriwan oli mas luklukgud long taem blong olgeta. Tiokratik skul i no mas bitim 45 minit, hemia i no kaontem singsing mo prea.

PEPA BLONG ADVAES: Hemia i stap insaed long buk ya Ministry School.

BRATA WE I GIVHAN: Ol elda oli save jusum wan elda blong mekem wok blong namba tu brata blong givim advaes. Sipos i gat plante elda long kongregesen, evri yia oli save jenisim elda we i mekem wok ya. Wok blong hem se, afta long miting hem i save givim advaes long ol brata we oli mekem Tok N. 1 mo ol bigfala poen blong Baebol riding, sipos oli nidim advaes. Hem i no nidim blong givim advaes evritaem.

TINGTINGBAK BLONG TIOKRATIK SKUL: 30 minit. Evri tu manis, elda we i lukaot long skul bambae i askem ol kwestin blong tingtingbak. Bifo long tingtingbak ya, bambae i gat tufala tok ya long saed blong fasin blong toktok mo ol bigfala poen blong Baebol riding. Tingtingbak bambae i stanap long olgeta samting we yumi bin tokbaot long skul long tu manis we i pas, wetem wik ya we yumi mekem tingtingbak long hem. Sipos kongregesen i gat wan seket asembli long wik blong tingtingbak, bambae oli mekem tingtingbak ya (mo ol narafala haf blong program blong wik ya) long wik afta long asembli. Mo bambae oli seftem program blong wik biaen, i kam long wik blong seket asembli. Sipos seket elda i visitim kongregesen long wik blong tingtingbak, bambae oli mekem singsing, fasin blong toktok, mo ol bigfala poen blong Baebol riding olsem i stap long program. Brata we i mekem Tok N. 1 (afta long fasin blong toktok) i mas folem program blong wik we i kam biaen long spesel wik. Long Tiokratik Skul long wik afta long spesel wik, bambae oli mekem fasin blong toktok mo ol poen blong Baebol riding olsem i stap long program, nao biaen oli save mekem tingtingbak.

PROGRAM

Jen. 7 Baebol riding: Matiu 1-6 Singsing 62

Fasin Blong Toktok: Tektaem Blong Eksplenemgud (be pej 228 ¶2-3)

N. 1: Fastok Blong Matiu (si pej 175-177 ¶1-10)

N. 2: Matiu 5:1-20

N. 3: ?From Wanem Ol Man Oli Stap Ded? (rs-E pej 98-99 ¶6; rs-F pej 253–254 ¶6)

N. 4: ?Tabu Spirit i Stap Givhan Long Yumi Long Wanem Rod?

Jen. 14 Baebol riding: Matiu 7-11 Singsing 224

Fasin Blong Toktok: ?Olsem Wanem Hat i Joen Wetem Bisnes Ya? (be pej 228 ¶4–pej 229 ¶1)

N. 1: Glad Tumas Long Tok Blong God (be pej 9 ¶1-5)

N. 2: Matiu 10:1-23

N. 3: ?From Wanem i Gud We Ol Toktok Mo Fasin Blong Yumi i Tru (Honest)?

N. 4: ?Ol Dedman Oli Stap Wea Mo Oli Stap Olsem Wanem? (rs-E pej 99 ¶7–pej 101 ¶4; rs-F pej 255 ¶1–pej 256 ¶4)

Jen. 21 Baebol riding: Matiu 12-15 Singsing 133

Fasin Blong Toktok: Tok We i Givim Save Long Man We i Lesin (be pej 230 ¶1-6)

N. 1: Ridim Baebol Evridei (be pej 10 ¶1–pej 12 ¶4)

N. 2: Matiu 14:1-22

N. 3: ?From Wanem Ol Witnes Blong Jeova Oli No Joen Long Ol Kastom Blong Krae From Dedman? (rs-E pej 102 ¶1– pej 103 ¶2; rs-F pej 257 ¶1–pej 258 ¶2)

N. 4: ?Wanem Mining Blong Tok Ya Antikraes Mo Hu Ya i Olsem?

Jen. 28 Baebol riding: Matiu 16-21 Singsing 176

Fasin Blong Toktok: Lukaot Moa Save Blong Yusum Long Tok Blong Yu (be pej 231 ¶1-3)

N. 1: “Lukaot Gud Olsem Wanem Yu Stap Lesin” (be pej 13 ¶1–pej 14 ¶5)

N. 2: Matiu 17:1-20

N. 3: ?Yu Save Talem Wanem Long Man We i No Gat Stret Tingting Long Saed Blong Ded? (rs-E pej 103 ¶3–pej 104 ¶1; rs-F pej 258 ¶3–pej 259 ¶1)

N. 4: Ol Samting We Oli Mas Tabu (Sacred) Long Tingting Blong Ol Kristin

Feb. 4 Baebol riding: Matiu 22-25 Singsing 151

Fasin Blong Toktok: Eksplenem Ol Vas (be pej 231 ¶4-5)

N. 1: Lesingud Taem Yu Stap Long Ol Miting Mo Asembli (be pej 15 ¶1–pej 16 ¶5)

N. 2: Matiu 23:1-24

N. 3: Bambae Yumi No Save Les Long Laef Ya We i No Save Finis

N. 4: Ol Drim We Oli Kamaot Long God Mo Ol Drim We Oli No Kamaot Long God (rs-E pej 104–106 ¶3; rs-F pej 333–334 ¶7)

Feb. 11 Baebol riding: Matiu 26-28 Singsing 110

Fasin Blong Toktok: Eksplenem Mining Blong Ol Tok (be pej 232 ¶1)

N. 1: Matiu—?Olsem Wanem i Save Givhan Long Yumi? (si pej 180–181 ¶29-33)

N. 2: Matiu 27:1-22

N. 3: ?From Wanem Bilif i No Minim Nomo Se Man i Save Se God i Stap?

N. 4: ?From Wanem Wan Kristin i Save Tekem Meresin Be i No Mas Tekem Drag? (rs-E pej 106-108 ¶1; rs-F pej 112-114 ¶3)

Feb. 18 Baebol riding: Mak 1-4 Singsing 167

Fasin Blong Toktok: Pulum Man Blong Tingting Dip Long Ol Vas (be pej 232 ¶2-4)

N. 1: Fastok Blong Mak (si pej 181-183 ¶1-11)

N. 2: Mak 2:1-17

N. 3: ?From Wanem Ol Kristin Oli No Tekem Mariuana? (rs-E pej 108 ¶2–pej 109 ¶2; rs-F pej 114 ¶4–pej 115 ¶3)

N. 4: ?Olsem Wanem Lav i Mekem Se Yumi No Fraet?

Feb. 25 Baebol riding: Mak 5-8 Singsing 72

Fasin Blong Toktok: Jusum Ol Save We Bambae i Givhan Long Man We i Lesin (be pej 233 ¶1-5)

Tingtingbak Blong Tiokratik Skul

Maj 3 Baebol riding: Mak 9-12 Singsing 195

Fasin Blong Toktok: Yusum Ol Save We Program Blong Tiokratik Skul i Talem (be pej 234 ¶1–pej 235 ¶3)

N. 1: Yu Save Mekem Memori Blong Yu i Kam Moagud (be pej 17 ¶1–pej 19 ¶1)

N. 2: Mak 11:1-18

N. 3: ?From Wanem God i No Save Giaman?

N. 4: ?From Wanem Ol Kristin Oli No Mas Smok Tabak? (rs-E pej 109 ¶3–pej 111 ¶3; rs-F pej 116 ¶3–pej 117 ¶4)

Maj 10 Baebol riding: Mak 13-16 Singsing 87

Fasin Blong Toktok: Yusumgud Ol Kwestin (be pej 236 ¶1-5)

N. 1: Mak—?Olsem Wanem i Save Givhan Long Yumi? (si pej 186 ¶31-33)

N. 2: Mak 14:1-21

N. 3: ?Olsem Wanem Blong Winim Ol Nogud Fasin? (rs-E pej 111 ¶4–pej 112 ¶3; rs-F pej 118 ¶1-4)

N. 4: ?From Wanem “Fasin Blong Man We i Kros i No Save Mekem Stret Fasin Blong God i Kamtru”? (Jem. 1:20)

Maj 17 Baebol riding: Luk 1-3 Singsing 13

Fasin Blong Toktok: Ol Kwestin Blong Pulum Man Blong Tingbaot Impoten Poen We i Kam Biaen (be pej 237 ¶1-2)

N. 1: Fastok Blong Luk (si pej 187 ¶1-9)

N. 2: Luk 1:1-23

N. 3: ?From Wanem Bilif Blong Man We i ‘No Mekem Ol Stret Fasin i Blong Nating Nomo’? (Jem. 2:20)

N. 4: Ol Neson Bambae Oli No Save Blokem Stamba Tingting We God i Gat Long Saed Blong Graon Ya (rs-E pej 112-113 ¶5; rs-F pej 403-404 ¶5)

Maj 24 Baebol riding: Luk 4-6 Singsing 156

Fasin Blong Toktok: Yusum Ol Kwestin Blong Pulum Man Blong Tingting Dip Long Wan Poen (be pej 237 ¶3–pej 238 ¶2)

N. 1: Tabu Spirit i Save Givhan Long Yumi Blong Tingbaot Samting We Yumi Lanem Finis (be pej 19 ¶2–pej 20 ¶3)

N. 2: Luk 4:1-21

N. 3: ?Bambae Jeova i Spolem Graon Ya Wetem Faea? (rs-E pej 113 ¶6–pej 115 ¶1; rs-F pej 404 ¶6–pej 406 ¶1)

N. 4: Fraet Long God i Save Blokem Yumi Blong Yumi No Mekem Sin

Maj 31 Baebol riding: Luk 7-9 Singsing 122

Fasin Blong Toktok: Ol Kwestin We Oli Pulum Man Blong Talemaot Filing Blong Hem (be pej 238 ¶3-5)

N. 1: ?From Wanem i Impoten We Yu Traehad Blong Kamgud Long Fasin Blong Rid? (be pej 21 ¶1–pej 23 ¶3)

N. 2: Luk 7:1-17

N. 3: Pruf We i Soemaot Se God i Lavem Yumi Mo i Wantem We Yumi Glad

N . 4: Afta We Ol Rabis Man Oli Lus, Ol Memba Blong Niufala Jerusalem Bambae Oli No Kambak Bakegen Long Wol Ya (rs-E pej 115 ¶2–pej 116 ¶1; rs-F pej 406 ¶2–pej 405 ¶1)

Epr. 7 Baebol riding: Luk 10-12 Singsing 68

Fasin Blong Toktok: Ol Kwestin We Oli Blong Makem Ol Poen (be pej 239 ¶1-2)

N. 1: ?Olsem Wanem Blong Wokhad Long Fasin Blong Ridgud? (be pej 23 ¶4–pej 26 ¶5)

N. 2: Luk 11:37-54

N. 3: ?God i Jenisim Stamba Tingting Blong Hem Long Saed Blong Wol? (rs-E pej 116 ¶2–pej 117 ¶2; rs-F pej 407 ¶2–pej 408 ¶2)

N. 4: ?Wanem Mining Blong Toktok Long Revelesen 17:17?

Epr. 14 Baebol riding: Luk 13-17 Singsing 86

Fasin Blong Toktok: Ol Kwestin We Oli Mekem Ol Rong Tingting Oli Kam Long Klia Ples (be pej 239 ¶3-5)

N. 1: ?Olsem Wanem Blong Stadi? (be pej 27 ¶1–pej 31 ¶2)

N. 2: Luk 16:1-15

N. 3: Wanem We Yumi Lanem From Loa Blong God Long Saed Blong Haf Kakae We Oli Mestem Long Garen (Lev. 19:9, 10)

N. 4: ?Olsem Wanem Yumi Save Leftemap Tingting Blong Olgeta We Oli Sik? (rs-E pej 117-118 ¶1; rs-F pej 119 ¶1-4)

Epr. 21 Baebol riding: Luk 18-21 Singsing 182

Fasin Blong Toktok: Taem Yu Tij, Yusum Ol Pijatok We Oli Soemaot Olsem Wanem Wan Samting i Sem Mak Long Narafala Samting (be pej 240 ¶1–pej 241 ¶1)

N. 1: Luk—?Olsem Wanem i Save Givhan Long Yumi? (si pej 192-193 ¶30-35)

N. 2: Luk 18:1-17

N. 3: ?Olsem Wanem Yumi Save Leftemap Tingting Blong Man We i Krae From Ded? (rs-E pej 118 ¶2-6; rs-F 119 ¶5–pej 120 ¶4)

N. 4: ?I Minim Wanem Blong “No Toktok Smol Biaen” Long Narafala? (Fil. 2:14, NW)

Epr. 28 Baebol riding: Luk 22-24 Singsing 218

Fasin Blong Toktok: Yusum Ol Eksampol (be pej 241 ¶2-4)

Tingtingbak Blong Tiokratik Skul

Mei 5 Baebol riding: Jon 1-4 Singsing 31

Fasin Blong Toktok: Ol Eksampol We Oli Stap Long Baebol (be pej 242 ¶1-2)

N. 1: Fastok Blong Jon (si pej 193-195 ¶1-9)

N. 2: Jon 3:1-21

N. 3: ?Yumi Lanem Wanem From Eksampol Blong Deved Blong No Letem Ol Man Blong Hem Oli Kilim King Sol i Ded?

N. 4: Leftemap Tingting Blong Olgeta We Oli Fesem Fasin Agens From Oli Mekem Samting We God i Wantem (rs-E pej 118 ¶7–pej 119 ¶4; rs-F pej 120 ¶5–pej 121 ¶2)

Mei 12 Baebol riding: Jon 5-7 Singsing 150

Fasin Blong Toktok: ?Bambae Man i Kasem Save? (be pej 242 ¶3–pej 243 ¶1)

N. 1: Kasem Gudfala Frut From Stadi (be pej 31 ¶3–pej 32 ¶4)

N. 2: Jon 6:1-21

N. 3: ?Yumi Lanem Wanem Long Stori Blong Ananaeas mo Safaera?

N.4: ?Olsem Wanem Yu Save Leftemap Tingting Blong Olgeta We Oli Harem Nogud Long Ol Samting We i Stap Hapen We Oli No Stret (rs-E pej 119 ¶5–pej 120 ¶2; rs-F pej 121 ¶3-6)

Mei 19 Baebol riding: Jon 8-11 Singsing 102

Fasin Blong Toktok: Yusum Samting We Ol Man Oli Savegud Long Hem Blong Mekem Ol Pijatok (be pej 244 ¶1-2)

N. 1: ?Olsem Wanem Blong Mekem Risej Wetem Baebol Nomo? (be pej 33 ¶1–pej 35 ¶2)

N. 2: Jon 11:38-57

N. 3: ?Wanem i Save Leftemap Tingting Blong Olgeta We Oli Fesem Hadtaem From Ol Problem Long Saed Blong Mane? (rs-E pej 120 ¶3-7; rs-F pej 121 ¶7–pej 122 ¶4)

N. 4: ?I No Gat Rod Blong Panisim Wan Man We i Brekem Laswan Loa Blong Ol Tenkomanmen, Taswe From Wanem Jeova i Putum Loa Ya?

Mei 26 Baebol riding: Jon 12-16 Singsing 3

Fasin Blong Toktok: Ol Pijatok We Oli Stret Long Man We i Stap Lesin (be pej 244 ¶3–pej 245 ¶4)

N. 1: Lanem Blong Yusum Ol Narafala Tul Blong Mekem Risej (be pej 35 ¶3–pej 38 ¶4)

N. 2: Jon 12:1-19

N. 3: Leftemap Tingting Blong Olgeta We Oli Harem Nogud From Slak Fasin Blong Olgeta. (rs-E pej 120 ¶8–pej 121 ¶3; rs-F pej 122 ¶5-8)

N. 4: ?Olsem Wanem Yumi Save Putum Ol Trabol Blong Yumi Long Jeova? (Sam 55:22)

Jun 2 Baebol riding: Jon 17-21 Singsing 198

Fasin Blong Toktok: Yusumgud Ol Pija, Map, Mo Narafala Samting We Man i Save Luk (be pej 247 ¶1-2)

N. 1: Jon—?Olsem Wanem i Save Givhan Long Yumi? (si pej 198-199 ¶30-35)

N. 2: Jon 21:1-14

N. 3: ?From Wanem Yumi Bilif Long God, Nating Se Yumi No Save Luk Hem?

N. 4: Evolusen—Wan Problem Blong Ol Man Blong Saens (rs-E pej 121-123 ¶1; rs-F pej 144-145 ¶3)

Jun 9 Baebol riding: Ol Wok 1-4 Singsing 92

Fasin Blong Toktok: ?Olsem Wanem Jisas i Yusum Ol Samting We Man i Save Luk? (be pej 247 ¶3)

N. 1: Fastok Blong Ol Wok (si pej 199-200 ¶1-8)

N. 2: Ol Wok 1:1-14

N. 3: Evolusen, Ol Ston Blong Bifo, Mo Tingting We i Skelgud (rs-E pej 123 ¶2–pej 126 ¶2; rs-F 145 ¶4–pej 148 ¶5)

N. 4: ?I Minim Wanem Se Yumi “Fri Blong Toktok”? (Hib. 3:6, NW)

Jun 16 Baebol riding: Ol Wok 5-7 Singsing 2

Fasin Blong Toktok: ?Olsem Wanem Blong Yusum Ol Pija, Map, Mo Ol Samting We Man i Save Luk? (be pej 248 ¶1-3)

N. 1: Wokem Wan Plan Blong Tok Blong Yu (be pej 39-42)

N. 2: Ol Wok 5:1-16

N. 3: Ansa Long Ol Toktok Blong Man We i Bilif Long Evolusen (rs-E pej 126 ¶3–pej 128 ¶3; rs-F pej 148 ¶6–pej 151 ¶2)

N. 4: ?From Wanem Man We i Wantem Kam Waes i Mas Fraetgud Long Jeova? (Sam 111:10, NW)

Jun 23 Baebol riding: Ol Wok 8-10 Singsing 116

Fasin Blong Toktok: Yusum Ol Map, Ol Asembli Program, Mo Ol Vidio Kaset (be pej 248 ¶4–pej 249 ¶2)

N. 1: ?Olsem Wanem Blong Mekem Rere Ol Tok Blong Tiokratik Skul? (be pej 43 ¶1–pej 44 ¶3)

N. 2: Ol Wok 8:1-17

N. 3: ?Olsem Wanem Bambae Jisas i “Sevem Ol Puaman”? (Sam 72:12)

N. 4: ?From Wanem Plante Man Oli No Gat Bilif? (rs-E pej 129-130 ¶2; rs-F pej 168-170 ¶1)

Jun 30 Baebol riding: Ol Wok 11-14 Singsing 79

Fasin Blong Toktok: Yusum Ol Pija Mo Map Blong Tijim Ol Bigfala Grup Blong Man (be pej 249 ¶3–pej 250 ¶1)

Tingtingbak Blong Tiokratik Skul

Julae 7 Baebol riding: Ol Wok 15-17 Singsing 203

Fasin Blong Toktok: ?From Wanem i Impoten We Yumi Toktok Long Wan Fasin We i Pulum Man Blong Tingting? (be pej 251 ¶1-3)

N. 1: Rerem Wan Tok We Yu Save Nomo Stamba Tok Blong Hem Mo Fasin We Bambae Yu Mekem Tok Ya (be pej 44 ¶4–pej 46 ¶2)

N. 2: Ol Wok 16:1-15

N. 3: ?From Wanem Yumi No Mas Fraet Taem Yumi Mekem Wok Blong Jeova?

N. 4: ?Olsem Wanem Wan Man i Save Kasem Bilif? (rs-E pej 130 ¶3–pej 131 ¶3; rs-F pej 170 ¶2-5)

Julae 14 Baebol riding: Ol Wok 18-21 Singsing 32

Fasin Blong Toktok: ?Olsem Wanem Blong Statem Wan Storian We i Pulum Man Blong Tingting? (be pej 251 ¶4–pej 252 ¶3)

N. 1: Rerem Ol Tok We Oli Save Givhan Long Kongregesen (be pej 47 ¶1–pej 49 ¶1)

N. 2: Ol Wok 20:1-16

N. 3: Ol Wok Blong Yumi Oli Pruvum Se Yumi Bilif Long Niufala Wol We Stret Fasin Bambae i Stap Long Hem (rs-E pej 131 ¶5–pej 132 ¶2; rs-F pej 171 ¶1-5)

N. 4: ?Loa Ya Long Eksodas 23:19b i Tijim Yumi Long Wanem Samting?

Julae 21 Baebol riding: Ol Wok 22-25 Singsing 200

Fasin Blong Toktok: ?Wetaem Blong Lego? (be pej 252 ¶4–pej 253 ¶2)

N. 1: ?Olsem Wanem Blong Mekem Rere Ol Tok Blong Miting Blong Kingdom Wok Mo Ol Narafala Tok (be pej 49 ¶2–pej 51 ¶2)

N. 2: Ol Wok 22:1-16

N. 3: ?Olsem Wanem Ol Witnes Blong Jeova Oli Stap Mekem Toktok Blong Jon 13:34, 35 i Kamtru?

N. 4: ?Olsem Wanem Blong Luksave Ol Giaman Profet? (hw pej 40-42 ¶2)

Julae 28 Baebol riding: Ol Wok 26-28 Singsing 29

Fasin Blong Toktok: Askem Kwestin Mo Givim Risen (be pej 253 ¶3–pej 254 ¶2)

N. 1: Ol Wok—?Olsem Wanem i Save Givhan Long Yumi? (si pej 204-205 ¶32-40)

N. 2: Ol Wok 26:1-18

N. 3: I No Oltaem We Ol Trufala Profet Oli Bin Kasem Save Ol Samting We God i Talemaot Mo Wetaem Bambae Oli Kamtru (hw pej 42 ¶3-8)

N. 4: ?From Wanem Jeova i Mekem Tingting Blong Hem i Longfala?

Ogis 4 Baebol riding: Rom 1-4 Singsing 170

Fasin Blong Toktok: Ol Toktok Blong Soem Risen Blong Wan Samting i Mas Stanap Long Tok Blong God (be pej 255 ¶1–pej 256 ¶2)

N. 1: Fastok Blong Rom (si pej 205-206 ¶1-7)

N. 2: Rom 3:1-20

N. 3: ?Olsem Wanem Ol Enjel Oli Protektem Ol Man Blong God Mo Mekem Olgeta i Strong?

N. 4: Ol Witnes Blong Jeova Oli Leftemap Trufala Wosip (hw pej 43 ¶1-2)

Ogis 11 Baebol riding: Rom 5-8 Singsing 207

Fasin Blong Toktok: Yusum Ol Pruf Afsaed Long Baebol Blong Sapotem Toktok Blong Yu (be pej 256 ¶3-5)

N. 1: ?Olsem Wanem Blong Mekem Rere Ol Pablik Tok? (be pej 52 ¶1–pej 54 ¶1)

N. 2: Rom 6:1-20

N. 3: Luksave Ol Witnes Blong Jeova From Ol Frut We i Kamaot Long Laef Blong Olgeta (hw pej 43 ¶3–pej 45 ¶1)

N. 4: ?Stret Fasin (Righteousness) i Save Protektem Yumi Olsem Wanem?

Ogis 18 Baebol riding: Rom 9-12 Singsing 152

Fasin Blong Toktok: Givim Pruf We i Naf (be pej 256 ¶6–pej 257 ¶3)

N. 1: Rom—?Olsem Wanem i Save Givhan Long Yumi? (si pej 208-209 ¶20-25)

N. 2: Rom 9:1-18

N. 3: ?Wanem Ol Nogud Samting We Oli Save Kamaot From Fasin Ya Blong Toktok Smol Mo Talem Ol Giaman Stori Blong Spolem Narafala?

N. 4: Givim Ansa Long Man We i Talem Se Yumi Ol Giaman Profet (hw pej 45 ¶2-4)

Ogis 25 Baebol riding: Rom 13-16 Singsing 16

Fasin Blong Toktok: Traehad Blong Kasem Hat (be pej 258 ¶1-5)

Tingtingbak Blong Tiokratik Skul

Sept. 1 Baebol riding: 1 Korin 1-9 Singsing 199

Fasin Blong Toktok: Pulum Man Blong Talemaot Tingting Blong Hem (be pej 259 ¶1-3)

N. 1: Fastok Blong 1 Korin (si pej 210-211 ¶1-7)

N. 2: 1 Korin 4:1-17

N. 3: God i No Makemaot Taem We Wanwan Man Bambae i Mas Ded (rs-E pej 138 ¶1-3; rs-F pej 98 ¶1–pej 99 ¶1)

N. 4: ?Sipos Man i Rij Hemia i Min Se God i Stap Blesem Hem?

Sept. 8 Baebol riding: 1 Korin 10-16 Singsing 35

Fasin Blong Toktok: Traem Wekemap Ol Filing We Oli Save Givhan Long Man (be pej 259 ¶4–pej 260 ¶1)

N. 1: 1 Korin—?Olsem Wanem i Save Givhan Long Yumi? (si pej 213-214 ¶23-26)

N. 2: 1 Korin 13:1–14:6

N. 3: ?From Wanem Man i Glad Taem Hem i Mekem Ol Samting We Tok Blong God i Talem?

N. 4: God i No Stamba Blong Evri Samting We i Hapen Long Man (rs-E pej 139 ¶1–pej 140 ¶2; rs-F pej 99 ¶2–pej 100 ¶6)

Sept. 15 Baebol riding: 2 Korin 1-7 Singsing 58

Fasin Blong Toktok: Givhan Long Ol Narafala Blong Oli Onagud Long God (be pej 260 ¶2-3)

N. 1: Fastok Blong 2 Korin (si pej 214 ¶1-4)

N. 2: 2 Korin 1:1-14

N. 3: God i No Wantem Save Mo Makemaot Evri Samting We Bambae Oli Hapen Long Fiuja (rs-E pej 140 ¶3-5; rs-F pej 101 ¶1-3)

N. 4: ?From Wanem Ol Trufala Kristin Oli Glad Taem Oli Fesem Fasin Agens?

Sept. 22 Baebol riding: 2 Korin 8-13 Singsing 12

Fasin Blong Toktok: Fasin Blong Yumi i Save Mekem God i Haremgud No i Harem Nogud (be pej 260 ¶4–pej 261 ¶1)

N. 1: 2 Korin—?Olsem Wanem i Save Givhan Long Yumi? (si pej 216-217 ¶18-20)

N. 2: 2 Korin 9:1-15

N. 3: ?From Wanem Ol Trufala Kristin Oli No Joen Long Wol?

N. 4: Paoa We God i Gat Blong Save Wanem We Bambae i Hapen Long Fiuja Mo Wokem Plan Blong Fiuja (rs-E pej 141 ¶1-4; rs-F pej 102 ¶1-4)

Sept. 29 Baebol riding: Galesia 1-6 Singsing 163

Fasin Blong Toktok: Halpem Ol Narafala Blong Jekem Olgeta Bakegen (be pej 261 ¶2-4)

N. 1: Fastok Blong Galesia Mo Olsem Wanem i Save Givhan Long Yumi (si pej 217-220 ¶1-6, 14-18)

N. 2: Galesia 1:1-17

N. 3: Long Saed Blong Adam—?From Wanem God i No Yusum Paoa Ya We Hem i Gat Blong Save Samting We Bambae i Hapen? (rs-E pej 142 ¶1-3; rs-F pej 102 ¶5–pej 103 ¶2)

N. 4: ?Olsem Wanem Lav i Save Givhan Blong Winim Fraet Long Man?

Okt. 6 Baebol riding: Efesas 1-6 Singsing 99

Fasin Blong Toktok: Leftemap Fasin Blong Obei Wetem Fulhat (be pej 262 ¶1-4)

N. 1: Fastok Blong Efesas Mo Olsem Wanem i Save Givhan Long Yumi (si pej 220-223 ¶1-8, 16-19)

N. 2: Efesas 3:1-19

N. 3: I No Wan Slak Fasin Blong Talem Se Yu Sore

N. 4: ?Bifo We Jekob, Esao Mo Judas i Bon, God i Makemaot Ol Samting We Bambae i Hapen Long Laef Blong Trifala? (rs-E pej 142 ¶4–pej 143 ¶2; rs-F pej 103 ¶3–pej 104 ¶1)

Okt. 13 Baebol riding: Filipae 1–Kolosi 4 Singsing 123

Fasin Blong Toktok: Wok Wetem Jeova Blong Kasem Hat Blong Ol Man (be pej 262 ¶5)

N. 1: Fastok Blong Filipae Mo Olsem Wanem i Save Givhan Long Yumi (si pej 223-225 ¶1-7, 12-14)

N. 2: Filipae 3:1-16

N. 3: ?I Minim Wanem Se God i Jusumaot Ol Memba Blong Kristin Kongregesen Bifo Olgeta? (rs-E pej 143 ¶3–pej 144 ¶1; rs-F pej 104 ¶2-3)

N. 4: a Kolosi—?Olsem Wanem i Save Givhan Long Yumi (si pej 228 ¶12-14)

Okt. 20 Baebol riding: 1 Tesalonaeka 1–2 Tesalonaeka 3 Singsing 161

Fasin Blong Toktok: ?Olsem Wanem Blong No Bitim Taem? (be pej 263 ¶1–pej 264 ¶4)

N. 1: Fastok Blong 1 Mo 2 Tesalonaeka Mo Olsem Wanem Oli Save Givhan Long Yumi (si pej 229-231 ¶1-5, 13-15; pej 232-233 ¶1-4, 10-11)

N. 2: 1 Tesalonaeka 1:1–2:8

N. 3: ?Baebol i Talem Wanem Long Saed Blong Fasin Blong Lukluk Ol Sta Blong Talem Fiuja? (rs-E pej 144 ¶2–pej 145 ¶2; rs-F pej 105 ¶1–pej 106 ¶1)

N. 4: b 1 Mo 2 Timoti—?Olsem Wanem Oli Save Givhan Long Yumi? (si pej 236-237 ¶15-19; pej 238-239 ¶10-12)

Okt. 27 Baebol riding: 1 Timoti 1–2 Timoti 4 Singsing 69

Fasin Blong Toktok: Toktok We i Pulum Narafala Blong Tekem Aksen (be pej 265 ¶1-3)

Tingtingbak Blong Tiokratik Skul

Nov. 3 Baebol riding: Taetas 1–Filimon Singsing 149

Fasin Blong Toktok: Toktok Wetem Lav Blong Pulum Narafala Blong Tekem Aksen (be pej 266 ¶1-4)

N. 1: Fastok Blong Taetas Mo Olsem Wanem i Save Givhan Long Yumi (si pej 239-241 ¶1-4, 8-10)

N. 2: Taetas 1:1-16

N. 3: ?Wanem Sam Gudfala Risen Blong Bilif Se God i Stap? (rs-E pej 145-146 ¶5; rs-F pej 106-107 ¶3)

N. 4: c Filimon—?Olsem Wanem i Save Givhan Long Yumi? (si pej 242-243 ¶7-10)

Nov. 10 Baebol riding: Hibrus 1-8 Singsing 144

Fasin Blong Toktok: Yusum Toktok We i Stanap Long Baebol Blong Pulum Narafala Blong Tekem Aksen (be pej 267 ¶1-2)

N. 1: Fastok Blong Hibrus (si pej 243-244 ¶1-9)

N. 2: Hibrus 3:1-19

N. 3: Ol Rabis Fasin Mo Fasin Safa i No Minim Se i No Gat Wan God i Stap (rs-E pej 146 ¶6–pej 147 ¶1; rs-F pej 107 ¶4-6)

N. 4: ?Olsem Wanem Blong Luksave Tingting Daon We i Tru Mo Tingting Daon We i Giaman?

Nov. 17 Baebol riding: Hibrus 9-13 Singsing 28

Fasin Blong Toktok: Yumi mas Harem Se Yumi Fri Blong Toktok (be pej 267 ¶3-4)

N. 1: Hibrus—?Olsem Wanem i Save Givhan Long Yumi? (si pej 247 ¶23-27)

N. 2: Hibrus 10:1-17

N. 3: God i Wan Trufala Man We i Gat Filing (rs-E pej 147 ¶2–pej 148 ¶3; rs-F pej 108 ¶1-7)

N. 4: ?Olsem Wanem Fasin Fogif i Mekem Se Yumi Joengud?

Nov. 24 Baebol riding: Jemes 1-5 Singsing 88

Fasin Blong Toktok: ?From Wanem i Impoten Blong Talem Ol Tok We i Leftemap Tingting Blong Narafala? (be pej 268 ¶1-3)

N. 1: Fastok Blong Jemes Mo Olsem Wanem i Save Givhan Long Yumi (si pej 248-250 ¶1-7, 15-17)

N. 2: Jemes 1:1-21

N. 3: God i No Gat Stat Blong Hem (rs-E pej 148 ¶4-7; rs-F pej 108 ¶1–pej 109 ¶3)

N. 4: ?Olsem Wanem “Man We i Gat Sore, Hem i No Save Fraet Se God Bambae i Jajem Hem”? (Jem. 2:13)

Dis. 1 Baebol riding: 1 Pita 1–2 Pita 3 Singsing 18

Fasin Blong Toktok: Pulum Ol Man Blong Tingbaot Ol Samting We Jeova i Mekem Finis (be pej 268 ¶4–pej 269 ¶2)

N. 1: Fastok Blong 1 Pita Mo Olsem Wanem i Save Givhan Long Yumi (si pej 251-253 ¶1-5, 11-13)

N. 2: 1 Pita 2:1-17

N. 3: Yu Mas Yusum Nem Blong God Blong Kasem Sef (rs-E pej 149 ¶1-4; rs-F pej 109 ¶4–pej 110 ¶1)

N. 4: d 2 Pita—?Olsem Wanem i Save Givhan Long Yumi? (si pej 255 ¶8-10)

Dis. 8 Baebol riding: 1 Jon 1–Jud Singsing 50

Fasin Blong Toktok: Soem Olsem Wanem Jeova i Givhan Finis Long Ol Man Blong Hem (be pej 269 ¶3-5)

N. 1: Fastok Blong 1, 2, Mo 3 Jon Mo Olsem Wanem i Save Givhan Long Yumi (si pej 256-258 ¶1-5, 11-13; pej 259 ¶1-3, 5; pej 260-261 ¶1-3, 5)

N. 2: 1 Jon 4:1-16

N. 3: ?Olgeta Skul Oli Gud? (rs-E pej 149 ¶5-8; rs-F pej 110 ¶2-5)

N. 4: e Jud—?Olsem Wanem i Save Givhan Long Yumi? (si pej 262-263 ¶8-10)

Dis. 15 Baebol riding: Revelesen 1-6 Singsing 219

Fasin Blong Toktok: Soem Se Yu Glad Tumas Long Samting We God i Stap Mekem Naoia (be pej 270 ¶1–pej 271 ¶2)

N. 1: Fastok Blong Revelesen (si pej 263-264 ¶1-6)

N. 2: Revelesen 3:1-13

N. 3: ?Jisas Hem i Wanem Kaen “God”? (rs-E pej 150 ¶1-2; rs-F pej 110 ¶6-7)

N. 4: ?From Wanem Longfala Tingting Mo Sore Blong God Oli Gat Mak Blong Tufala?

Dis. 22 Baebol riding: Revelesen 7-14 Singsing 21

Fasin Blong Toktok: Letem Tiokratik Skul i Givhan Fulwan Long Yu (be pej 5 ¶1–pej 8 ¶1)

N. 1: Revelesen—?Olsem Wanem i Save Givhan Long Yumi? (si pej 268-269 ¶28-34)

N. 2: Revelesen 8:1-13

N. 3: Ansa Long Ol Tok We Man i Talem Long Saed Blong Bilif Long God (rs-E pej 150 ¶3–pej 151 ¶3; rs-F pej 111 ¶1–pej 112 ¶1)

N. 4: ?Wanem Mining Blong Toktok Ya Se “God i Hae Moa Long Tingting Blong Yumi”? (1 Jon 3:20)

Dis. 29 Baebol riding: Revelesen 15-22 Singsing 60

Fasin Blong Toktok: No Mestem Ol Wod Long Riding Blong Yumi (be pej 83 ¶1-5)

Tingtingbak Blong Tiokratik Skul

[Ol Futnot]