Advaes

◼ Buk we yumi seremaot long manis Mei: Wajtaoa mo Wekap! Yumi mas traehad blong visitim ol niuwan we oli intres we oli bin kam long Memoriol mo spesel pablik tok be oli no joen oltaem wetem kongregesen. Risen blong visit ya i blong statem Baebol stadi wetem olgeta we oli no bin akseptem stadi yet. Jun: ?Wanem Samting We Baebol i Rili Tijim? Traehad blong statem ol Baebol stadi. Julae Mo Ogis: Buklet ya Keep on the Watch! Sipos no buklet ya !Yu Yu Save Harem Gud Blong Olwe Long Wol!

◼ Ol elda oli mas tokbaot bakegen leta blong Julae 6, 2006, we branj ofis i sanem long saed blong ol samting we oli mas rere long hem from ol disasta, mo blong meksua se oli gat laswan adres mo telefon namba blong ol wanwan pablisa. Long ol ples we disasta i stap kasem oltaem, ol elda oli mas save ol narafala adres mo telefon namba blong ol ples we ol pablisa oli ronwe i go long hem long taem blong disasta. I no long taem blong disasta nomo we i gud blong mekem olsem. Sipos ol pablisa oli wantem stap longtaem lelebet long wan narafala ples, maet blong wok no blong spel, no blong go slip long hospital no narafala samting olsem, i gud we oli talemaot long elda we i lukaot long Buk Stadi blong olgeta no long wan narafala elda.

◼ Plis yufala i mas save se long yia ya bambae i no gat wan spesel traket blong singaotem ol man i kam long distrik asembli 2008. Be yumi mas rere blong joen long wan impoten wok we bambae i kam mo we bambae i gohed long fulwol. I no longtaem bambae yumi kasem moa save long saed ya.