?Yumi Tokbaot Wanem Long Ol Magasin?

Wajtaoa Jenuware 1

“Bighaf blong ol man we mi mi storian wetem, oli wari from we i gat plante man mo woman we oli mared, oli no moa glad mo oli divos. ?Wanem tingting blong yu long saed blong problem ya? [Yu letem man i ansa.] Baebol i talem se, mared i olsem wan presen blong God. [Yu ridim Matiu 19:4-6.] Wajtaoa ya i soemaot olsem wanem ol man mo woman we oli mared, oli save mekem mared blong olgeta i strong moa.” Soem haf we i stat long pej 16.

Wekap! Jenuware-Maj

“Plante man oli askem se, sipos i gat wan God, ?from wanem hem i no kilim Setan i ded? ?Yu yu gat tingting olsem tu? [Yu letem man i ansa.] Wekap! ya long pej 10 mo 11, i soemaot ansa blong Baebol long saed blong kwestin ya. Mo tu, Baebol i soemaot se, taem Setan i ded, wol bambae i olsem wanem.” Yu save ridim Revelesen 21:3, 4.

Wajtaoa Februari 1

“Plante man oli ting se garen blong Iden i wan kastom stori nomo. ?Bambae yu yu sapraes blong save se Jisas i tokbaot Adam mo Iv se tufala i rili laef bifo? [Yu letem man i ansa.] Biaen yu ridim Matiu 19:4-6. Wajtaoa ya i ansarem sam long ol kwestin we plante man oli askem long saed blong garen blong Iden.”

Wekap! Jenuware-Maj

“Plante milian man oli bilif se ‘ol tabu man’ oli gat spesel paoa, mo i stret nomo we yumi prea long olgeta blong oli toktok long God from yumi. ?Wanem tingting blong yu? [Yu letem man i ansa.] Yu traem luk tok we Jisas i talem. [Yu ridim Jon 14:6.] Samting ya nao i pulum sam man blong askem sipos i stret blong prea long ol ‘tabu man’ no nogat. Wekap! ya i soemaot wanem Baebol i talem long saed blong impoten poen ya.” Yu soem haf we i stat long pej 12.