Ol Miting Long Wik Blong 1 Oktoba

WIK WE I STAT LONG 1 OKTOBA

Singsing 103 Mo Prea

□ Baebol Stadi Blong Kongregesen:

gt japta 108 (30 minit)

□ Skul Blong Trenem Yumi Blong Tij:

Baebol riding: Daniel 4-6 (10 minit)

N. 1: Daniel 4:18-28 (no bitim 4 minit)

N. 2: ?From Wanem Ol Tru Kristin Oli No Joen Long Wok Blong Posen Mo Kleva? (5 minit)

N. 3: ?God i Talemaot Tok Olsem Wanem Long Ol Man Blong Hem Bifo?—rs-E pej 281 haf 1-2; rs-F pej 270 haf 4–pej 271 haf 1 (5 minit)

□ Miting Blong Kingdom Wok:

Singsing 80

5 minit: Statem Wan Baebol Stadi Long Fas Sarede Blong Manis. Wan brata no sista i yusum fastok long pej ya blong soemaot olsem wanem blong statem Baebol stadi long fas Sarede long manis Oktoba. Pulum evriwan blong oli joen long wok ya.

15 minit: ?Yumi Mekem Wanem Wok Las Yia? Elda we i lukaot long wok blong prij i mekem tok ya. Tokbaot wok we kongregesen i mekem long las seves yia, mo pulum tingting blong ol pablisa i go long ol gudfala frut we i kamaot long wok ya. Talem ol gudfala toktok long olgeta from nambawan wok we oli mekem. Askem kwestin long wan no tu brata mo sista we oli rere gud fastaem, blong oli talemaot sam nambawan stori long wok blong prij. Talem wan no tu samting we kongregesen i save wok long hem long niufala seves yia, mo tokbaot sam rod blong kam gud moa long samting ya.

10 minit: Sam Tingting Blong Seremaot Magasin Long Manis Oktoba. Tok wetem sam kwestin mo ansa. Long wan minit, tokbaot sam haf long ol magasin we oli save pulum tingting blong ol man. Biaen, yu askem long ol brata mo sista blong oli talem sam kwestin we oli save pulum tingting blong man i go long ol fas stori long Wajtaoa, mo yu askem wanem vas we oli save yusum. Yu mekem sem mak wetem ol fas stori long Wekap! Sipos i gat taem, yu save tokbaot wan narafala haf long Wajtaoa no Wekap! Askem long tu brata mo sista blong soemaot olsem wanem blong seremaot tufala magasin ya.

Singsing 85 Mo Prea