DVD Ya: Young People Ask—What Will I Do With My Life? (Haf 1)
Taem ol yangfala oli stap kam bigwan, oli mas mekem sam impoten desisen long laef blong olgeta. DVD ya: Young People Ask—What Will I Do With My Life? i save givhan bigwan long olgeta. Taem yu putum DVD ya, yu jusum Play Drama, mo yu traem ansa long ol kwestin we oli stap daon long haf 2. Afta, yu jusum Interviews, mo yu plei haf ya Looking Back, nao yu traem ansa long ol kwestin we oli stap daon long haf 3.
Drama: (1) ?Wanem samting long laef blong Timoti we i sem mak long laef blong plante yangfala Kristin? (2) ?Hu i traem fosem Andre blong i kam nambawan man blong resis? (3) ?Brata Fleissig i talem wanem long Andre, (1) blong soemaot se hem i no save givim laef blong hem long Jehova mo long spot tu? (Mat. 6:24) (2) long stamba blong glad we i truwan? (3) long samting we hem i tingbaot taem i luk plet we hem i yusum long rabis kalabus? (4) blong tokbaot ol man we oli stap long foto wetem hem mo woman blong hem? (5) blong soemaot se hem i no sore we hem i bin lego drim blong hem? (Fil. 3:8) (4) ?Bubu woman blong Andre i talem wanem, taem Andre i askem se, “I rong blong wantem kam wan jampion blong resis?” (Luk 4:5-7) (5) ?Taem Andre i winim resis, hem i rili glad? (6) ?Wanem samting we yu yu laekem long leta we Brata Fleissig i raetem long Andre? (Prov. 10:22) (7) ?Brata Fleissig i givhan long Andre blong i luksave wanem?
Looking Back: (8) ?Wanem samting we brata ya mo sista ya, tufala i laekem tumas, mo from wanem? (9) ?Tufala i kam nambawan long samting we tufala i laekem? (10) ?Wetaem tingting blong tufala i jenis? (2 Kor. 5:15) (11) ?Nao tufala i jusum blong mekem wanem wok? ?Tufala i no save mekem tufala wok ya wantaem from wanem? (12) ?Tufala i sore from we tufala i jenisim tingting blong tufala? (13) ?Wanem toktok blong tufala i pulum yu blong yu tingbaot laef blong yu?
I gud yu lukluk ol narafala samting long Interviews mo Supplementary Material, nao bambae yu rere blong givim ansa long Miting Blong Kingdom Wok nekis wik.