Ol Fastok

Kingdom Nius N. 38

“Mi mi joen long wan spesel wok we i stap gohed long fulwol, blong seremaot wan impoten mesej. Hemia blong yu.”

Makemgud: sipos yumi wantem finisim ol teritori blong yumi, i gud we yumi mekem storian blong yumi i sot nomo. Be sam man maet oli glad tumas mo oli wantem save moa. Sipos i olsem i gud we yu askem long hem, wanem tingting blong hem long kwestin we i stap long fored blong traket ya. Mo biaen yu ridim vas blong Baebol we oli stap insaed long traket ya, mo yu tokbaot sam save we oli stap insaed long hem. Mo bifo we yu gobak, yu soem long hem kwestin we i stap aninit long smol toktok ya “Yu Traem Tingbaot” we i stap long las pej. Mo yu mekem plan blong gobak luk hem, blong yutufala i save storian long kwestin ya.

Wajtaoa Oktoba–Disemba

“Sipos God i kea long yumi, ?yu ting se hem i luk ol trabol we yumi stap kasem? [Yu letem man i ansa, mo yu ridim Aesea 63:⁠9.]” Yu soemaot haf we i stap long pej 14 long Wajtaoa ya.

Wekap! Oktoba–Disemba

“Plante man we oli talem se oli kristin, oli bilif long Triniti. ?Yu yu save olsem wanem Triniti i kam wan tijing blong jos? ?Yu ting se tijing blong Triniti i kamaot long Baebol? [Yu letem man i ansa mo yu ridim 1 Korin 8:⁠6.]” Yu tokbaot haf we i stap long pej 6.