Ol Fastok

Blong Statem Ol Baebol Stadi Long Fas Sarede Blong Manis Oktoba

“Ol man blong ol defdefren kantri mo skul, oli prea evri dei. ?Yu yu ting se God i lesin mo i ansa long olgeta prea?” Yu letem man i ansa. Biaen, yu givim Wajtaoa blong Oktoba 1 long hem, mo yu tokbaot ol save we i stap aninit long fas smol stamba tok long pej 30, wetem wan long ol vas we i stap. Yu askem long hem sipos hem i wantem karem magasin ya, mo yu mekem plan blong kambak bakegen, blong tokbaot ansa blong kwestin we i kam biaen.

Wajtaoa Oktoba 1

Yu soem kwestin we i stap long fored blong magasin, mo yu talem long man se: “?Wanem tingting blong yu long kwestin ya? [Yu letem hem i ansa.] Yu luk samting we Baebol i talem. [Yu ridim 1 Jon 5:19.] Baebol i talem se olgeta man long wol oli stap long paoa blong “Setan.” ?Setan i kamaot long weples? ?Hem i rili stap? ?God bambae i letem hem i gat paoa long ol man gogo kasem wetaem? Magasin ya i soemaot samting we Baebol i talem.”

Wekap! Oktoba-Disemba

“Tede mifala i kam luk ol famle blong givhan long olgeta. ?Long tingting blong yu, wanem samting i had moa long ol papa mama, taem oli stap tijim pikinini blong olgeta? [Yu letem man i ansa.] Plante papa mama oli lukluk i go long Baebol blong oli kasem advaes. Yu traem tingbaot ol waes tok ya we i save givhan long papa mama, taem tufala i stretem pikinini. [Yu ridim Efesas 4:31.] Magasin ya i soemaot olsem wanem advaes blong Baebol i save givhan long ol papa mama long evri haf blong laef blong pikinini, stat taem hem i bebi kasem we hem i kam bigman.”