Ol Fastok

Blong Statem Ol Baebol Stadi Long Fas Sarede Blong Manis Eprel

“Plante man oli selebretem dei we Jisas i bon long hem. ?Be yu yu ting se i impoten blong tingbaot ded blong Jisas?” Yu letem man i ansa. Biaen, yu givim Wajtaoa blong Eprel 1 long hem, mo yutufala i tokbaot ol save we oli stap aninit long fas smol stamba tok, long pej 8, mo yu ridim wan no tu vas we i stap long haf ya. Yu mekem plan blong kambak bakegen blong tokbaot kwestin we i kam biaen.

Wajtaoa Eprel 1

“I gat plante defdefren jos, bilif, mo kastom. ?Yu ting se evriwan we oli talem se oli Kristin, oli tru Kristin? [Yu letem man i ansa.] Folem tok blong Jisas, i gat wan samting nomo we i soemaot se wan man i tru Kristin. [Yu ridim Jon 13:34, 35.] Magasin ya i tokbaot faef samting we Jisas i talem, we oli save givhan long yumi blong luksave ol man blong hem.”

Wekap! Eprel-Jun

“Mifala i stap toktok wetem ol man raonabaot long mifala, long saed blong wan nogud fasin we i stap kam antap bigwan. I luk olsem se tede ol man oli stap kam kros, mo oli kwik blong faerap long kros. ?Yu yu ting se from wanem? [Yu letem man i ansa.] Yu traem makem samting we Baebol i talem long fasin blong kros. [Yu ridim Ol Sam 37:8.] Wekap! ya i soemaot sam long ol risen we i mekem se ol man tede oli stap kam kros moa, mo i soemaot tu se yumi naf blong kontrolem yumi taem yumi kros.”