Ol Fastok

Blong Statem Ol Baebol Stadi Long Fas Sarede Blong Manis Oktoba

“Klosap olgeta man oli stap prea, maet long semtaem no maet long ol defdefren taem. Ol man we oli bilif se i no gat God, olgeta tu oli stap prea, taem oli kasem trabol. ?Yu yu ting se God i lesin long prea blong olgeta man?” Yu letem man i ansa. Yu soem long hem, las pej blong Wajtaoa blong Oktoba–Disemba, mo yutufala i tokbaot tugeta, haf we i stap aninit long fas kwestin, mo yu ridim wan long ol vas we i stap long haf ya. Yu givim magasin ya long hem, mo yu mekem plan blong gobak bakegen, blong ansa long nekis kwestin.

Wajtaoa Oktoba–Disemba

“Mifala i kam blong visitim yu smoltaem nomo, from we mifala i luk se plante man oli wari, taem oli luk se fasin blong lukluk ol rabis pija i stap kam antap bigwan. Be plante man oli ting se fasin blong lukluk ol rabis pija i oraet nomo, i no save spolem ol man. ?Wanem tingting blong yu? [Yu letem man i ansa.] Jisas i talem se bambae yumi luksave se wan samting i gud, long frut blong hem. [Yu ridim Matiu 7:17.] Magasin ya i tokbaot sam samting we i save kamaot, taem man i lukluk ol rabis pija. Hem i givim sam gudfala advaes tu, olsem wanem blong winim fasin ya blong lukluk ol rabis pija.”

Wekap! Oktoba–Disemba

“Ol man tede, oli mekem plante samting blong oli save laef longtaem. ?Yu yu ting se save blong ol saentis bambae i mekem se wan dei, ol man oli save laef olwe long wol? [Yu letem man i ansa.] Yu traem luk nambawan promes ya. [Yu ridim 1 Korin 15:26.] ?Olsem wanem God bambae i mekem samting ya i kamtru? ?From wanem yumi stap kam olfala mo yumi ded? Long magasin ya, yu save faenem ansa we Baebol i givim long ol kwestin ya.”