Ol Fastok

Blong Statem Ol Baebol Stadi Long Fas Sarede Blong Manis Mei

“Plante man oli gat defdefren tingting long God. Sam oli ting se God i wan paoa we yumi no naf blong kasem save long hem. Sam narafala oli tingbaot hem olsem wan papa we i lavem ol man. ?Be yu yu tingbaot God se hem i olsem wanem?” Yu letem man i ansa. Biaen yu soem haf we i stap long pej 8 long Wajtaoa blong Eprel–Jun. Mo yu tokbaot ol haf aninit long fas kwestin, biaen yu ridim wan long ol vas we i stap. Yu givim magasin long hem, mo yu mekem plan blong gobak mo tokbaot nekis kwestin.

Wajtaoa Eprel–Jun

“Mifala i kam long haos blong yu tede blong tokbaot wan samting we i stap kasem yumi evriwan, hemia ded. Samting we i had moa, hemia taem wan gudfala fren blong yumi no wan famle blong yumi i ded. ?Yu yu agri long samting ya? [Yu letem man i ansa.] I gud yumi luk wan gudfala vas long Baebol. [Yu ridim Aesea 25:⁠8.] Magasin ya i tokbaot ol promes blong Baebol we oli leftemap tingting blong yumi. Hemia se ded bambae i lus, mo olgeta we yumi lavem olgeta bambae oli laef bakegen.” Yu soem haf we i stap long pej 9.

Wekap! Eprel–Jun

“Mifala i luk se plante man oli gat rong tingting long wan vas long Baebol, hemia nao from wanem mifala i pas smoltaem blong tokbaot vas ya. [Yu ridim Jenesis 1:⁠1.] Plante man oli bilif se God i mekem skae mo graon, be sam narafala oli no bilif olsem. ?Wanem tingting blong yu? [Yu letem man i ansa.] Plante man oli no bilif se God i mekem wol ya, from ol lida blong skul oli tijim samting we i no kamaot long Baebol. Long magasin ya, Baebol i tokbaot klia olsem wanem God i mekem skae mo graon, mo yumi save trastem.” Yu soem haf we i stap long pej 8.