Ol Fastok

Blong Statem Ol Baebol Stadi Long Fas Sarede Blong Manis Februari

“Jisas i promes se bambae hem i kambak, mo plante man oli bilif se samting ya i tru. ?Wanem tingting blong yu? [Yu letem man i ansa.] Maet yumi stap askem se, ?be Jisas i kambak long wanem kaen bodi? I gud blong makem ansa blong kwestin ya long magasin ya.” Yu soem las pej blong Wajtaoa blong Jenuware–Maj, mo yu tokbaot seken paragraf. Yu givim magasin long hem, mo yu mekem plan blong gobak mo tokbaot nekis kwestin.

Wajtaoa Jenuware–Maj

“Plante man oli bilif se taem wan man i no tanem tingting blong hem from sin blong hem, nao hem i ded, God bambae i panisim hem long helfaea. Ale bambae man ya i stap harem nogud gogo i no save finis. Be i gud blong makem samting we Baebol i talem long saed blong lav blong God. [Yu ridim 1 Jon 4:8.] ?Yu ting se wan God we i lavem ol man i save mekem ol man oli stap harem nogud blong olwe long wan faea? [Yu letem man i ansa.] I klia se helfaea i wan giaman tijing we i mekem plante man oli ting se God i nogud mo i stap spolem ol man. [Yu openem Wajtaoa long pej 6.] Wajtaoa ya i talemaot sam narafala giaman tijing long saed blong God, we plante man oli bilif long hem. Mi mi glad blong givim magasin ya long yu.”

Wekap! Jenuware–Maj

“Mifala i pas smoltaem blong givhan long ol man blong oli kasem save moa long saed blong Jisas. Sam man oli talem se Jisas hem i God. ?Wanem tingting blong yu? [Yu letem man i ansa.] Plis yu makem wanem we Jisas hem wan i talem. [Yu ridim Jon 14:28, mo yu openem Wekap! long pej 14.] Haf ya i ansa long kwestin ya, mo ol narafala kwestin long saed blong Jisas.” Yu givim Wajtaoa mo Wekap! long hem.