Job i Kasem Bigfala Trabol, Be i No Lego Jehova

Job i stap long taon ya Uj, long taem ya we ol man Isrel oli wok slef long Ijip. Nating se hem i no man Isrel, be hem i mekem wosip long Jehova. Hem i gat plante pikinini, hem i rij, mo ol man ples blong hem oli respektem hem. Hem i stap givim gudfala advaes long ol man, i jajem ol man long stret fasin, mo i gat gladhat blong givim samting long ol puaman. Job i wan stret man we i bilif strong long Jehova.

Job i soemaot klia se Jehova i impoten moa i bitim ol narafala long laef blong hem

1:8-11, 22; 2:2-5

• Setan i luksave se Job i bilif strong mo i obei long Jehova. Be hem i talem se tingting we i pusum Job blong wosipim Jehova, i no stret

• Setan i talem se Job i wosipim Jehova nomo blong kasem samting we hem i wantem

• Blong ansa long Setan, Jehova i letem Setan i traem Job. Setan i mekem bigfala trabol long Job we i spolem gud hem

• Be Job i no lego Jehova. Nao Setan i agensem olgeta man, i talem se i no gat wan we bambae i holemstrong long God oltaem

• Job i no mekem wan samting nogud, mo i no tok agensem God