LAEF BLONG OL KRISTIN
Yangfala—Yu No Wet Blong Pastru Long ‘Doa We i Open Finis’
I isi blong ting se bambae yu yangfala olwe, mo neva bambae yu kasem ol trabol blong olfala we i kamaot long wol ya blong Setan. (Pri 12:1) Sipos yu wan yangfala, ?yu ting se yu gat plante taem yet blong mekem wok blong Jehova fultaem?
Samting we yumi no tingbaot i save kamaot enitaem, mo i save kasem ol yangfala tu. (Pri 9:11) Baebol i talem se: “Yufala i no save nating wanem bambae i save kamtru long laef blong yufala tumora.” (Jem 4:14) Taswe, yu no mas wet blong mekem moa long wok blong Jehova. Yu mas ‘gotru long doa we i open finis, blong mekem wan gudfala wok,’ bifo we doa ya i sat. (1Ko 16:9) Bambae yu no sore sipos yu mekem olsem.
Sam wok we yu save mekem:
Prij long narafala lanwis
Wok blong paenia
Go long ol Baebol skul
Bildim ol haos wosip
Bethel service
Eria elda