Niufala Heven Mo Niufala Wol Bambae i Mekem Ol Man Oli Glad Tumas

Yumi trastem fulwan promes blong Jehova long Aesea 65 blong mekem niufala heven mo niufala wol, from we hem i tokbaot olsem se i kamtru finis

Jehova i mekem niufala heven mo niufala wol, we man i no moa tingbaot ol samting blong bifo

65:17

?Wanem ya niufala heven?

• Hem i wan niu gavman we bambae i mekem se i gat stret fasin nomo long wol

• Gavman ya i stanap finis long 1914, taem Kraes i rul olsem King long Kingdom blong God

?Wanem ya niufala wol?

• Hemia wan grup blong ol man we oli kamaot long olgeta kantri, laen mo lanwis, we oli glad nomo we niufala gavman ya blong heven i rul long olgeta

?Olsem wanem bambae yumi no moa tingbaot ol samting blong bifo?

• Ol samting we i mekem man i harem nogud long bodi, tingting, mo filing, bambae oli lus olgeta

• Ol man we oli holemstrong long Jehova, bambae oli glad tumas, mo bambae oli no save fogetem ol gudfala samting we i hapen evri dei