Ol Refrens Blong Kristin Wok Mo Laef—Buk Blong Miting
6-12 MAJ
OL GUDGUDFALA SAMTING LONG BAEBOL | JEREMAEA 1-4
“Mi Bambae Mi Stap Wetem Yu Blong Blokemgud Yu”
jr pej 88 haf 14-15
“Bambae Mi Mekem Olgeta We Oli Harem Nogud Oli Harem Gud”-?YU SAVE LEFTEMAP TINGTING BLONG OLGETA WE OLI HAREM NOGUD?
14 Yumi save lanem sam gudfala lesen long fasin blong Jehova blong leftemap tingting blong Jeremaea, mo olsem wanem Jeremaea i leftemap tingting blong ol narafala we oli “harem nogud.” (Jer. 31:25) Ating bambae yu harem gud sipos yu harem Jehova i talem long yu se: “Bambae yu yu strong olsem wan taon we stonwol i goraon long hem, mo yu olsem pos we oli wokem long aean we i no save foldaon, mo yu olsem wol we oli wokem long bras, we enemi i no save spolem. Bambae oli no save winim yu, from we mi bambae mi stap wetem yu, mi blokemgud yu. Mi mi Hae God, mo hemia tok blong mi.” (Jer. 1:18, 19) From we Jehova i leftemap tingting blong Jeremaea, Jeremaea i save talem long hem se “yu nomo yu stap blokemgud mi, mo yu stap givim paoa long mi. Taem trabol i kam kasem mi, yu yu stap givhan long mi.”—Jer. 16:19.
15 I gud blong makem samting we Jehova i talem long Jeremaea, hem i se: “Mi bambae mi stap wetem yu.” ?Olsem wanem eksampol blong Jehova i save givhan long yu taem yu wantem leftemap tingting blong wan narafala? Bifo we yu leftemap tingting blong wan brata no sista o wan famle blong yu, fastaem yu luksave nid we hem i gat, nao biaen yu mekem wan samting blong givhan long hem. Samtaem, i gud blong stap wetem brata o sista we i harem nogud, olsem we Jehova i mekem long Jeremaea. Biaen, yu save talem sam samting blong leftemap tingting blong hem, be yu no mas toktok tumas. Man i save harem gud moa sipos yu yusum ol toktok we i givhan mo i mekem hem i strong bakegen. I no nid blong yu kam wan gudfala man blong toktok. Be i gud yu yusum ol toktok we i soemaot se yu intres long hem, yu tingbaot hem, mo yu lavem hem. Ol toktok olsem i mekem i gud long hem.—Ridim Ol Proveb 25:11.
13-19 MAJ
OL GUDGUDFALA SAMTING LONG BAEBOL | JEREMAEA 5-7
“Oli No Moa Mekem Samting We God i Wantem”
(Jeremaea 6:13-15) Nating we oli haeman no oli no haeman, be oli stap winim mane long fasin we i no stret. Mo ol profet wetem ol pris tu oli stap ravem ol man. 14 I olsem we ol man blong mi oli gat ol bigbigfala soa, mo olgeta ya oli stap taltalem long olgeta, se evri samting i oraet nomo, be evri samting i no oraet nating. 15 Olgeta ya oli stap mekem ol samting nogud, be oli no save sem nating, mo neva fes blong olgeta i kam nogud from fasin ya. Nao from samting ya, taem mi panisim olgeta, bambae olgeta evriwan i ded, olsem olgeta ya we oli ded finis. Mi mi Hae God, mo hemia tok blong mi.’ ”
w88 4/1 pej 11-12 haf 7-8
Jeremaea i Talemaot Jajmen Blong God We Ol Man Oli No Laekem
7 Jehova i givim woning long Jeremaea se, “olgeta evriwan bambae oli stap tok agens long yu,” be “bambae oli no save winim yu.” (Jeremaea 1:19) ?From wanem ol man Jiu mo ol haeman blong olgeta oli wantem agensem Jeremaea? From we ol tok we hem i talemaot i soemaot klia se oli tingbaot olgeta nomo mo fasin blong olgeta blong wosip i no stret. Jeremaea i talem klia se: “?Be sipos mi mi tok strong long olgeta blong wekemap olgeta, hu bambae i save lesin long tok blong mi? Olgeta ya oli stronghed tumas. Ol tok ya blong yu we mi talemaot long olgeta, oli no save lesin long hem nating, oli stap laf nomo long hem. Nating we oli haeman no oli no haeman, be oli stap winim mane long fasin we i no stret. Mo ol profet wetem ol pris tu oli stap ravem ol man.”—Jeremaea 6:10, 13.
8 Ol lida blong ol man Jiu oli stap lidim ol man Isrel blong mekem sakrefaes mo oli stap lidim olgeta blong mekem tru wosip, be hat blong olgeta i no stap long ol samting ya. Oli tingbaot moa olsem wanem blong mekem ol samting ya i bitim we oli tingbaot se oli mas gat gudfala fasin. Mo long taem ya, oli giaman tu long ol man se oli sef, taem oli talem se, “evri samting i oraet nomo,” be evri samting i no oraet. (Jeremaea 6:14; 8:11) Yes, oli giaman long ol man Isrel blong mekem oli ting se oli stap frengud yet wetem God. Ol lida ya oli ting se i no nid blong wari, from we oltaem Jehova i stap sevem olgeta, mo from we oli stap long wan tabu taon we tempol i stap long hem. Be oli gat wan tingting we i defren olgeta long tingting blong Jehova.
(Jeremaea 7:1-7) Nao Hae God i talem long Profet Jeremaea se, 2 “Jeremaea. Yu go stanap long doa blong haos blong mi, long ples we ol man Juda oli stap pastru long hem blong kam mekem wosip long mi, yu talemaot ol tok we mi bambae mi talem long yu.” 3 Nao profet i go long ples ya, i talemaot long olgeta se, “Hae God i gat olgeta paoa, mo hem i God blong yumi. Mo hem i talem se, ‘Ol laen blong Isrel. Yufala i mas jenisim fasin blong yufala, mo yufala i mas lego ol samting nogud we yufala i stap mekem, nao bambae mi save letem yufala i stap olwe long ples ya. 4 Yufala i no mas bilif long ol giaman toktok blong ol man ya we oli stap talem se, “Yumi no mas fraet. !Hemia haos blong Hae God ya! !Haos blong Hae God ya! !Haos blong Hae God ya!” 5 Yufala i mas jenisim fasin blong yufala, mo yufala i mas lego ol rabis fasin we yufala i stap mekem. Yufala i mas mekmekem i stret long yufala. 6 Fasin ya we yufala i stap ravem ol strenja mo ol wido mo ol pikinini we papa blong olgeta i lus, yufala i mas lego. Mo yufala i no moa kilim ol man long kantri ya oli ded, we oli no mekem wan samting nogud. Yufala i no moa stap mekem wosip long ol narafala god, from we fasin ya bambae i spolem yufala nomo. 7 Sipos yufala i jenisim ol fasin ya blong yufala, mi bambae mi letem yufala i stap long kantri ya we mi givim finis long ol bubu blong yufala bifo, blong yufala i holem i blong yufala olwe.
w88 4/1 pej 12 haf 9-10
Jeremaea i Talemaot Jajmen Blong God We Ol Man Oli No Laekem
9 Jehova i talem long Jeremaea blong i go stanap long doa blong tempol mo i talemaot tok blong Hem long ol man we oli kam blong mekem wosip. Jeremaea i mas talem long olgeta se: ‘Yufala i no mas bilif long ol giaman toktok blong ol man ya we oli stap talem se, “Yumi no mas fraet. !Hemia haos blong Hae God ya! !Haos blong Hae God ya! !Haos blong Hae God ya!” . . . Ol giaman toktok ya oli no save givhan long yufala nating.’ Ol man Juda oli leftemap tempol i no from we oli gat bilif be i from ol samting we oli luk nomo. Oli fogetem finis woning we Jehova i givim long olgeta: “Heven i olsem bigfala jea blong mi, we mi mi King, mi sidaon long hem blong rul, mo wol i olsem ples blong mi, blong mi putum leg blong mi antap long hem. ?Yufala i ting se yufala i save wokem wanem kaen haos, blong mi mi go stap long hem?” !Jehova, God ya we i wokem olgeta samting long heven mo wol, i no save laef long tempol blong olgeta, nating se tempol ya i naes mo i gud tumas!—Jeremaea 7:1-8; Aesea 66:1.
10 Jeremaea i gohed blong talem ol tok we i mekem ol man oli harem nogud tumas, i se: “Yufala i stap stil, mo yufala i stap kilim man i ded, mo yufala i stap go long narafala woman. Oltaem, yufala i stap mekem strong promes blong yufala, mo biaen yufala i stap brekem bakegen. Yufala i stap mekem wosip long god ya Bal, mo yufala i stap biaen long ol narafala god we neva yufala i save olgeta bifo. Oltaem, yufala i stap mekem ol samting we mi mi no laekem nating, nao biaen yufala i stap kam stanap long haos blong mi, yufala i talem se, “Naoia yumi stap gud.”” Ol man Juda oli ‘ol man we God i jusumaot,’ taswe oli gat tingting ya se oli save mekem eni fasin nomo, be Jehova bambae i agri yet long ol sakrefaes we oli mekem long tempol. Be, oli stat blong gat wan tingting we i rong olgeta, sipos oli luk Jehova olsem wan papa we i gat sore we i no save spolem ol pikinini blong hem.—Jeremaea 7:9, 10; Eksodas 19:5, 6.
(Jeremaea 7:8-15) !Yufala i luk! Yufala i stap trastem ol giaman toktok we oli no save givhan long yufala nating. 9 Oltaem, yufala i stap stil, mo yufala i stap kilim man i ded, mo yufala i stap go long narafala woman. Oltaem, yufala i stap mekem strong promes blong yufala, mo biaen yufala i stap brekem bakegen. Yufala i stap mekem wosip long god ya Bal, mo yufala i stap biaen long ol narafala god we neva yufala i save olgeta bifo. 10 Oltaem, yufala i stap mekem ol samting we mi mi no laekem nating, nao biaen yufala i stap kam stanap long haos blong mi, yufala i talem se, “Naoia yumi stap gud.” 11 ?Weswe? ?Yufala i ting se haos ya i ples blong haed blong ol man blong stil? Mi mi luk ol samting ya we yufala i stap mekem. 12 Yufala i traem go long taon ya Silo, ples ya we mi mi jusumaot fastaem blong ol bubu blong yufala oli mekem wosip long mi long hem, nao yufala i luk ol samting we mi mi mekem long ples ya, from sin blong olgeta. 13 Mo naoia, yufala tu i stap mekem ol sin ya, mo plante taem, mi toktok long yufala blong blokem yufala, be yufala i no lesin long mi nating. Oltaem mi stap singaot yufala, be yufala i no wantem ansa long mi. 14 Nao from samting ya, bambae mi mekem sem samting long ples ya, stret olsem we mi mekem long Silo bifo. Bambae mi spolem haos ya, we yufala i stap putum tingting blong yufala i stap long hem. Mo bambae mi spolemgud ples ya blong yufala, we mi mi givim long yufala mo long ol bubu blong yufala bifo. 15 Mi bambae mi ronemaot yufala long fes blong mi, long sem fasin we bifo mi bin ronemaot ol laen blong Isrel ya long not, long kantri ya Isrel. Mi mi Hae God, mo hemia tok blong mi.’ ”
jr pej 21 haf 12
Mekem Wok “Long Ol Laswan Haf Blong Dei”
12 Long stat blong rul blong King Jehoakim, Jehova i talem long Jeremaea blong go long tempol mo talemaot ol rabis fasin we ol man Juda oli stap mekem. Oli luk tempol blong Jehova olsem wan majik haos we bambae i sevem olgeta. Be yet, sipos oli gohed blong ‘stil, kilim man i ded, go wetem ol narafala woman, mekem strong promes mo biaen oli brekem bakegen, mekem wosip long god ya Bal, mo oli biaen long ol narafala god,’ Jehova bambae i no moa stap long tempol. Mo bambae hem i lego ol man ya we oli gat tu fes we oli stap mekem wosip long tempol, olsem we hem i lego haos tapolen long Silo long taem blong Hae Pris Ilae. Ples ya Juda “bambae i kam draeples nomo.” (Jer. 7:1-15, 34; 26:1-6) !Yu traem tingbaot strong tingting we Jeremaea i nidim blong mi talemaot mesej ya! Hem i talemaot mesej ya long pablik ples, long fored blong ol man we plante man oli save gud olgeta mo long ol haeman. Sam brata mo sista tede oli harem se olgeta tu oli nidim strong tingting blong prij long ol pablik ples no long ol haeman blong wol ya. Nating se i olsem, yumi sua fulwan se: God bambae i sapotem yumi olsem we hem i mekem long Jeremaea.—Hib. 10:39; 13:6.
Traem Faenem Ol Gudgudfala Samting Ya
(Jeremaea 6:22, 23) Bakegen, Profet Jeremaea i luk wan vison mo i talemaot we Hae God i talem se, “Olgeta. Naoia i gat plante man oli aot long not oli stap kam. Olgeta ya oli strong we i strong, oli stap mekemrere finis blong kam mekem faet long ples ya. 23 Oli holemrere ol bonara mo ol spia blong olgeta finis, mo oli man nogud, we taem oli faet, oli no gat sore nating. Taem oli resis i kam long ol hos blong olgeta, noes blong olgeta i olsem noes blong bigfala solwota we i stap brok long rif. Naoia oli rere finis blong mekem faet long bigfala taon ya Jerusalem.”
w88 4/1 pej 13 haf 15
Jeremaea i Talemaot Jajmen Blong God We Ol Man Oli No Laekem-Ol Enemi Bambae Oli Spolem Juda
15 Samwe long yia 632 bifo kraes, Babilon mo Media i winim Asiria. Mo long taem ya Ijip i rul long saot blong Juda. Be kantri we bambae i kam spolem Juda bambae i kamaot long not. !Taswe Jeremaea i mas talemaot sam nogud nius long ol man Juda! “Olgeta. Naoia i gat plante man oli aot long not oli stap kam . . . mo oli man nogud, we taem oli faet, oli no gat sore nating. . . . Naoia oli rere finis blong mekem faet long bigfala taon ya Jerusalem.” Wol paoa long taem ya hem i Babilon. God bambae i yusum Babilon blong panisim ol man Juda.—Jeremaea 6:22, 23; 25:8, 9.
20-26 MAJ
OL GUDGUDFALA SAMTING LONG BAEBOL | JEREMAEA 8-11
“Man i Save Harem Gud Sipos i Folem Ol Advaes Blong Jehova”
(Jeremaea 10:2-5) Hem i talem se, ‘Yufala i no mas folem fasin blong ol man blong ol narafala kantri. Sipos yufala i sek long wan saen we i kamaot long skae, nating we ol narafala man oli fraet long hem, be yufala i no mas fraet long hem. 3 Fasin blong skul blong ol man olsem, i blong nating nomo. Ol god blong olgeta, oli wokem long wud nomo. Fastaem oli katemdaon tri long bus, nao ol man we oli gat gudhan, oli yusum ol jisel blong katemgud. 4 Biaen oli flasemgud long silva mo gol, mo oli yusum nil blong nilim i stanap strong, blong i no save foldaon. 5 Ol aedol ya oli olsem giaman man nomo, we man i putum long garen, blong ronemaot ol pijin. Olgeta oli no save toktok nating. Man i mas karem olgeta i go olbaot, from we olgeta oli no save wokbaot. Yufala i no fraet long olgeta. Oli no save spolem yufala, mo oli no save givhan long yufala tu.’ ”
(Jeremaea 10:14, 15) Taem ol man oli luk ol samting ya, oli harem se oli no gat hed, oli krangke nomo. Ol man blong wokem ol samting long gol, we oli stap wokem ol aedol, oli sem gud, from we ol god ya we oli wokem, oli giaman god nomo, oli no gat laef nating. 15 Ol aedol ya oli no save mekem wan samting nating, mo i stret nomo blong ol man oli ting rabis long olgeta. Taem Hae God i kamtru, hem bambae i spolemgud olgeta, nao bambae oli lus.
it-1 pej 555
Kukamba
Long taem bifo, oli yusum ol wud blong wokem ol giaman man mo oli putum long ol garen blong ronemaot ol anamol. Profet Jeremaea i tokbaot ol aedol blong ol narafala kantri se oli olsem ol “giaman man nomo long garen blong kukamba” we oli no gat laef mo oli no save muv.—Jer 10:5, NW.
27 MAJ–2 EPREL
OL GUDGUDFALA SAMTING LONG BAEBOL | JEREMAEA 12-16
“Ol Man Isrel Oli Fogetem Jehova”
(Jeremaea 13:1-5) Nao Profet Jeremaea i talem se, “Mi luk wan vison, we Hae God i talem long mi se, ‘Yu go pem wan kalsong, yu werem, be bambae yu no mas draonem long wota.’ 2 Ale, mi go pem, mo mi werem. 3 Nao hem i talem long mi se, 4 ‘Yu go long Yufretes Reva, mo yu haedem kalsong ya long wan hol long ston klosap long reva ya.’ 5 Nao mi girap, mi go long Yufretes Reva, mi haedem kalsong ya long ples ya, olsem we hem i talem.
jr pej 51 haf 17
Lukaotgud Se Hat Blong Yu i No Trikim Yu
17 Blong Jeremaea i mekem wok olsem profet, hem i mas obei tu long ol samting we Jehova i talem long hem. ?Sipos yu yu Jeremaea, bambae yu obei nomo long eni samting we Jehova i talem? Wan taem, Jehova i talem long Jeremaea blong i go pem wan kalsong [linen strap, NW ] mo i werem. Afta, God i talem long hem blong i wokbaot i go long Yufretes Reva. Sipos yu luk long wan map, bae yu luk se hem i mas wokbaot 500 kilometa blong kasem Yufretes Reva. Taem Jeremaea i kasem ples ya, hem i mas haedem kalsong [linen strap, NW ] ya long wan hol blong ston, nao i mas wokbaot i gobak long Jerusalem. Samtaem biaen God i talem long hem blong gobak long Yufretes Reva blong tekembak kalsong [linen strap, NW ] ya. (Ridim Jeremaea 13:1-9.) Long taem ya we Jeremaea i wokbaot i go long Yufretes Reva mo i gobak long Jerusalem bakegen, hem i wokbaot samwe long 2,000 kilometa. Sam man oli no save bilivim se Jeremaea i wokbaot longwe olsem mo i wokbaot blong plante manis. (Esra 7:9) Be yet, hemia samting we God i talem, mo Jeremaea i mekem olsem we God i talem.
(Jeremaea 13:6, 7) Nao biaen longtaem lelebet, hem i talem long mi se, ‘Yu gobak bakegen long Yufretes Reva, yu tekem kalsong ya we yu haedem.’ 7 Ale, mi gobak long ples ya bakegen we mi bin haedem kalsong ya long hem, nao mi lukaot gogo mi faenem, be mi luk we i roten finis, mi no moa save werem.
jr pej 52 haf 18
Lukaotgud Se Hat Blong Yu i No Trikim Yu
18 Yu traem pijarem profet Jeremaea we i stap wokbaot sloslo i go antap long ol hil blong Juda. Sipos rod i gud, hem i wokbaot kwik, be taem rod i nogud hem i wokbaot slo. Mo tu, hem i mas wokbaot krosem wan draeples blong kasem Yufretes Reva. !Hem i wokbaot olsem jes blong haedem wan kalsong [linen strap, NW ]! From we hem i aot blong longtaem maet ol man we oli laef klosap long hem oli wantem save se hem i go wea. Taem hem i kambak hem i lego kalsong [linen strap, NW ] ya i stap long wan hol blong ston. Samtaem i pas, God i talem long hem blong gobak tekem kalsong [linen strap, NW ] ya we i roten finis mo “man i no moa save werem bakegen.” Yu traem tingbaot, maet i isi nomo blong hem i gat tingting ya se: ‘Hemia i tumas ya. Mi no kasemsave nating from wanem mi mas mekem samting ya.’ Be from we hem i letem God i lidim hem, hem i no gat tingting olsem. !Hem i no komplen be i mekem stret olsem we God i talem!
(Jeremiah 13:8-11) Nao hem i toktok long mi bakegen, i talem se, 9 ‘Ol fasin blong flas blong ol man Jerusalem mo ol narafala man Juda, bambae mi mi spolemgud, olsem we kalsong ya i kam nogud. 10 Ol man nogud ya, oltaem nomo oli stap mekem stronghed blong olgeta, mo oli no wantem nating blong obei long mi. Oli stap mekem wosip long ol narafala god, mo oli stap mekem ol wok blong ol god ya tu. Nao from samting ya, bambae oli kam olsem kalsong ya stret, we man i no moa save werem bakegen. 11 Mi mi wantem tumas blong ol man Isrel bifo, mo ol man Juda naoia, oli holemtaet mi olsem we kalsong i fas strong long bodi blong man. Mi mi wantem olsem, blong oli kam man blong mi, mo blong oli stap presem nem blong mi, oli stap ona long mi oltaem. Be oli girap, oli no obei long mi nating.’ ”
jr pej 52 haf 19-20
Lukaotgud Se Hat Blong Yu i No Trikim Yu
19 Afta we Jeremaea i go namba tu taem long Yufretes Reva, God i jes talemaot long hem from wanem i sanem hem i go. Ol samting we Jeremaea i mekem i givhan long hem blong i rere blong talemaot wan strongfala mesej: “Ol man nogud ya, oltaem nomo oli stap mekem stronghed blong olgeta, mo oli no wantem nating blong obei long mi. Oli stap mekem wosip long ol narafala god, mo oli stap mekem ol wok blong ol god ya tu. Nao from samting ya, bambae oli kam olsem kalsong ya stret, we man i no moa save werem bakegen.” (Jer. 13:10) !Hemia wan gudfala rod we Jehova i yusum blong tijim ol man blong hem! Jeremaea i obei gud long Jehova nating se i luk olsem se samting we hem i mekem i no impoten. Be samting we hem i mekem i soemaot se Jehova i traehad blong blong mekem se ol man blong hem oli obei long hem.—Jer. 13:11.
20 Tede Jehova i no askem ol Kristin blong oli wokbaot longwe blong hem i tijim wan lesen long ol man blong hem. Be maet from we yu wan Kristin ol man raonabaot long yu o ol fren blong yu oli save tok agensem yu. Maet oli mekem olsem from we oli luk se klos blong yu i defren, jus blong yu long saed blong edukesen i defren, wok we yu wantem mekem taem yu finis skul i defren, mo tu maet from we oli luk se tingting we yu gat long alkol i defren. ?Olsem wanem, bambae yu yu gat strong tingting blong mekem olsem Jeremaea blong mekem samting we Jehova i talem? Sipos yu letem Jehova i lidim yu long ol jus we yu mekem, bambae yu givim wan gudfala witnes long ol man. Evri samting we Jehova i talem long yumi tru long gudfala slef we i waes i blong mekem i gud long yumi, taswe i gud yumi obei gud long olgeta. Olsem Jeremaea, yu tu yu save mekem se hat blong yu i no trikim yu. Taswe yumi mas mekem desisen blong letem Jehova i lidim yumi naoia; letem hem i jenisim yu i kam wan graonpot we hem i save yusum blong olwe.
it-1 pej 1121 haf 2
Bodi
Jehova i tokbaot ol man Isrel se oli olsem wan kalsong [linen strap, NW ] we i fas strong long bodi blong hem, mo oli stap klosap long hem, blong oli save presem hem mo oli stap ona long hem oltaem. (Jer 13:11) Profet tok blong Aesea i tokbaot stret fasin blong Jisas blong rul mo fasin blong hem blong jajem man se i olsem wan kaliko we oli fasem raon long bel blong hem. Maet hemia i min se evri samting we Jisas i mekem, hem i mekem wetem stret fasin oltaem. Olsem wan kaliko we man i fasem long bel blong hem blong givhan long hem, stret fasin blong Jisas i givim paoa long hem blong mekem wok olsem Jaj we Jehova i putumap.—Isa 11:1, 5, NW.
Traem Faenem Ol Gudfala Samting Ya
(Jeremiah 12:1, 2) Nao Profet Jeremaea i talem se, “Hae God. Oltaem, taem mi talemaot poen blong mi agens long yu, be yu yu stap soemaot we yu stret olgeta. Be mi wantem askem wan kwestin long yu, from stret fasin ya blong yu blong jajem man. ?From wanem ol man nogud oli stap win oltaem? ?Mo from wanem olgeta ya we oli no stap obei long yu, oli gat gudfala laef?, 2 Yu yu putumgud olgeta long ples blong olgeta, olsem we man i planem ol kakae long garen, nao oli gru gud, oli karem kakae. Oltaem oli stap tokbaot gudfala fasin blong yu, be oli no kea nating long yu.
(Jeremiah 12:14) Nao Profet Jeremaea i talemaot we long vison ya, Hae God i talem se, “Ol man blong mi. Mi mi gat wan tingting we mi mas talemaot agens long ol enemi ya we oli stap raonabaot long kantri ya blong yufala. Olgeta ya oli spolem graon ya we mi mi bin givim long yufala, mo from samting ya, bambae mi sakemaot olgeta oli gowe long ples blong olgeta, olsem we man i pulumaot gras long garen, i sakem i go. Nao bambae mi sevem ol man Juda, mi tekemaot olgeta long han blong olgeta ya.
jr pej 118 haf 11
?Yu Stap Askem Evridei Se ‘Wehem Jehova’?
11 Taem Jeremaea i luk se laef blong ol man nogud i ron gud, hem i gat wan kwestin blong askem long God. (Ridim Jeremaea 12:1, 3.) Jeremaea i no askem kwestin nomo long saed blong stret fasin blong Jehova, be hem i wantem faenem wan ansa tu long “poen” ya. Fasin blong hem blong tok stret i soemaot klia se hem i gat wan gudfala fasin fren wetem God, sem mak olsem wan pikinini we i fren gud wetem papa blong hem. Jeremaea i no kasemsave from wanem laef blong plante man Jiu i ron gud, nating se oli stap mekem rabis fasin. ?Olsem wanem? ?Jeremaea i kasem wan gudfala ansa? Jehova i talemaot gud long hem se bambae Hem i spolem olgeta ya we oli stap mekem rabis fasin. (Jer. 12:14) Taem Jeremaea i kasemsave long samting ya, hem i trastem Jehova moa, ale hem i prea long Jehova. Maet samting ya i mekem se oltaem hem i stap prea long Jehova, mo i stap talemaot evri samting long Papa blong hem.