LAEF BLONG OL KRISTIN
?Wetaem Bakegen Mi Save Mekem Haf Taem Paenia?
Tempol we Esikel i luk long wan vison i soemaot se ol man blong Jehova bambae oli mas givim sam samting blong givhan long wok blong bildim tempol ya. ?Olsem wanem yumi wanwan i save joen blong mekem sam sakrefaes blong presem Jehova?—Hib 13:15, 16.
Wan nambawan samting blong mekem, hemia blong mekem haftaem paenia. Long sam manis blong seves yia blong 2018 i gat faef Sarede o faef sande. Hemia i gud long olgeta we oli wok fultaem mo oli prij nomo long ol wiken. Antap long hemia, ol pablisa oli save jusum blong mekem 30 o 50 aoa long manis blong Maj, Eprel, mo long taem we eria elda i visit.
?Olsem wanem sipos i gat sam samting i hapen we i mekem se yumi no naf blong mekem haftaem paenia? Yumi save wok strong blong mekem se fasin blong yumi blong prij i kam gud moa, o maet yumi save kam gud moa long ol aoa blong yumi. !Nomata se wanem i hapen, lav we yumi gat long Jehova bambae i pulum yumi blong mekem bes blong yumi long seves yia blong 2018!—Hos 14:2.
?Olsem wanem mi save folem strong tingting blong Sabina Hernández?
WAJEM VIDEO YA WETEM JEHOVA, MI NAF BLONG MEKEM PLANTE SAMTING MO BIAEN YU ANSA LONG OL KWESTIN YA:
?Wanem i pusum Sabina blong i mekem moa long wok blong Jehova?
?Olsem wanem eksampol blong Sabina i givhan long yu?
?Long seves yia blong 2018, yu save mekem haftaem paenia long wanem manis?