Ol Perens, Tijim Gud Ol Pikinini Blong Yufala

Yumi laef long wan wol we ol man oli luk ol gudfala samting se oli nogud mo ol nogud samting se oli gud. (Aes 5:20) Sori tumas, sam man oli mekem ol samting we Jehova i no laekem nating, olsem fasin ya we man i mekem seks wetem man bakegen. Ol yangfala long skul o ol narafala maet oli traem blong switim ol gudfala yangfala blong yumi blong folem fasin blong olgeta. ?Olsem wanem yu save rerem ol pikinini blong yu blong fesem ol kaen traem olsem?

Tijim gud ol pikinini blong yu blong oli savegud ol rul blong Jehova. (Le 18:3) Gohed blong tokbaot ol samting we Baebol i talem long saed blong seks, folem yia blong olgeta. (Du 6:7) Askem yu wan se: ‘?Mi mi tijim pikinini long stret wei blong soemaot filing long wan boe o gel? ?Mi tokbaot from wanem i impoten blong werem klos we i no soemaot bodi? ?Mi tokbaot samting we hem i no mas letem narafala i mekem long hem? ?Pikinini blong mi i save wanem blong mekem sipos narafala i traem soem ponografi long hem, o i askem hem blong mekem wan nogud samting?’ Sipos oli save ol samting ya naoia, bambae oli naf blong ronwe long trabol. (Pro 27:12; Pri 7:12) Taem yu tijim gud ol pikinini blong yu, yu soem se yu lavem tumas presen ya we Jehova i givim long yu.—Sam 127:3.

WAJEM VIDEO YA WOKEM WAN HAOS WE I SAVE STANAP STRONG—PROTEKTEM OL PIKININI BLONG YU LONG ‘OL SAMTING WE I NOGUD,’ BIAEN ANSA LONG OL KWESTIN YA:

• 

  ?From wanem i had blong samfala oli tokbaot seks long pikinini blong olgeta?

• 

  ?From wanem ol perens oli mas trenem, “stretem mo givim woning” long pikinini blong i folem tingting blong Jehova?—Ef 6:4

• 

  ?Oganaesesen blong Jehova i givim wanem long ol perens blong oli tijim pikinini long saed blong seks?—w19.05 12 bokis

• ?From wanem yu mas toktok oltaem long pikinini blong yu bifo we ol problem oli kamaot?