6-12 MEI

OL SAS SAMTING LONG BAEBOL

1. “Yu No Mas Harem Nogud From Ol Rabis Man”

(10 min.)

Ol rabis man oli mekem yumi harem nogud mo yumi safa (Sam 36:1-4; w17.04 11 ¶4)

Taem yumi gohed blong kros long “ol rabis man” hemia i save spolem yumi tu (Sam 37:1, 7, 8; w22.06 10 ¶10)

Taem yumi trastem ol promes blong Jehova, yumi gat pis (Sam 37:10, 11; w03 12/1 14 ¶20)

Wan sista i wari taem i stap ridim ol nius long fon blong hem. Hem i luk ol foto we i soemaot ol man we oli kros oli stap protes, wan polisman i akseptem wan doti mane, ol soldia oli stap sut long ol masket, wan ami insaed long wan garaj, ol stilman oli stap stilim ol samting, faet long kantri, mo ol man we oli kamtru fastaem taem i gat wan trak i aksiden.

ASKEM YU WAN SE: ‘?Mi mi stap wajem o lesin oltaem long ol nius we i tokbaot ol raf fasin?’

2. Ol Gudgudfala Samting

(10 min.)

Sam 36:6—?Man blong raetem sam i minim wanem taem hem i tokbaot stret fasin blong Jehova se i olsem “ol bigbigfala hil [o, “olsem ol bigfala hil blong God,” fut.]”? (it-2 445)

Ansa blong yu
?Wanem sam gudfala samting we yu faenem long Baebol riding blong wik ya?

Ansa blong yu

3. Baebol Riding

(4 min.) Sam 37:1-26 (th stadi 10)

KAMGUD MOA LONG WOK BLONG PRIJ

4. Statem Wan Storian

(3 min.) HAOS WANWAN. (lmd lesen 1 poen 5)

5. Gobak Visitim Man

(4 min.) TEKEM JANIS BLONG PRIJ. Askem Baebol stadi long wan man we bifo i no wantem stadi. (lmd lesen 9 poen 4)

6. Tok

(5 min.) ijwbv 45—Stamba Tok: ?Wanem Mining Blong Ol Sam 37:4? (th stadi 13)

LAEF BLONG OL KRISTIN

7. ?Yu Yu Rere From “Taem Blong Trabol”?

(15 min.) Kwestin mo ansa.

Raon long wol, ol man oli mekem plante trabol, mo i gat ol naturol disasta we i mekem se ol brata mo sista oli lusum plante samting blong olgeta, mo oli lusum tu sam famle long ded. (Sam 9:9, 10) Blong talem stret, “taem blong trabol” i save kam eni taem nomo. Taswe, yumi evriwan i mas rere blong fesem trabol olsem.

Antap long ol samting we yumi mekem blong stap rere long saed blong bodi,a ?wanem i save givhan long yumi blong stanap strong taem i gat wan disasta i hapen?

Rerem Tingting: Luksave se ol disasta oli stap hapen, mo tingbaot samting we yu save mekem sipos wan disasta i kasem yumi. Traehad blong no fas tumas long ol sas samting we yu gat. Olsem nao, taem wan disasta i hapen, bambae yu naf blong mekem waes desisen, mo tingbaot nomo blong sevem laef blong yu mo ol narafala, i bitim we yu traem sevem ol samting we yu gat. (Je 19:16; Sam 36:9) Mo hemia i save halpem yu tu afta long wan disasta, blong yu gat stret tingting mo yu no harem nogud bitim mak from ol samting we yu lusum.—Sam 37:19
Gohed blong mekem bilif blong yu i strong: Wokem fasin ya blong trastem Jehova se hem i naf mo i wantem tumas blong lukaot gud long yu. (Sam 37:18) Bifo we wan disasta i hapen, i gud yu tingbaot oltaem se Jehova bambae i lidim mo sapotem ol man blong hem, nating se yumi lusum evri samting be yumi sevem ‘laef blong yumi.’—Jer 45:5; Sam 37:23, 24

Taem yumi gohed blong tingbaot ol promes blong Jehova, yumi stap mekem hem i kam olsem wan ‘strong sefples blong yumi long taem blong trabol.’—Sam 37:39.

Ol pija: Smol haf blong video ya “?Yu Yu Rere From Wan Disasta?” 1. Wan brata i stap ridim Baebol. 2. Ol wef blong tsunami. 3. Ol klaod blong hariken. 4. Ol man oli karem olting blong olgeta mo oli krosem wan bigfala flad.

Plei VIDEO Ya ?Yu Yu Rere From Wan Disasta? Biaen askem se:

?Olsem wanem Jehova i save halpem yumi long taem blong disasta?

Ansa blong yu
?Yumi save mekem wanem blong stap rere?

Ansa blong yu
?Olsem wanem yumi save halpem ol narafala we oli kasem disasta?

Ansa blong yu

8. Baebol Stadi Blong Kongregesen

(30 min.) lv japta 9 ¶22-26, bokis 109, Sam Moa Save 218-219

Klosing Komen (3 min.) | Singsing 57 Mo Prea

a Yu luk Wekap! N. 5 2017, pej 4-6.