Stanap Strong Taem Man i Mekem i No Stret Long Yu

Ridim Jenesis 37:​23-28; 39:17–23 mo lanem lesen long fasin blong Josef blong stanap strong taem narafala i mekem no stret long hem.

Lukluk ol vas raonabaot. ?From wanem ol narafala oli mekem i no stret long Josef? (Jen. 37:​3-11; 39:​1, 6-10) ?Josef i mas stanap strong kasem wetaem? (Jen. 37:2; 41:46) ?Long taem ya, Jehova i mekem wanem blong givhan long Josef, mo Hem i no mekem wanem?—Jen. 39:​2, 21; w23.01 17 ¶13.

Digim Moa. Taem waef blong Potifa i talem ol giaman tok long saed blong Josef, Baebol i no talem nating se Josef i traem blong pruvum se tok blong woman ya i giaman. Ol vas we i kam biaen, bambae oli halpem yumi blong kasemsave from wanem Josef i jusum blong stap kwaet mo from wanem Baebol i no tokbaot evri smosmol save long saed ya. (Prov. 20:2; Jon 21:25; Wok 21:37) ?Wanem ol fasin we oli givhan long Josef blong i stanap strong, taem oli mekem i no stret long hem?—Maeka 7:7; Luk 14:11; Jem. 1:​2, 3.

Tingbaot ol lesen we yu lanem. Mo askem se:

• ‘?Ol man oli save mekem wanem long mi from we mi mi wan disaepol blong Jisas?’ (Luk 21:​12, 16, 17; Hib. 10:​33, 34)

• ‘?Mi save mekem wanem naoia, blong mi save stanap strong taem ol man oli mekem i no stret long mi?’ (Sam 62:​7, 8; 105:​17-19; w19.07 2-7)