Kwestin

Sipos man mo woman we tufala i no mared tufala i spenem wan naet tugeta we i nogat wan gud risen, ?i stret blong talem se tufala i mekem sin mo wan kot komiti i mas lukluk long kes ya?

Yes, sipos i no gat wan gudfala risen from wanem tufala i spenem naet tugeta, hemia wan klia pruf se tufala i mekem nogud fasin blong seks. Taswe, sipos i gat ol pruf, i mas gat wan kot komiti blong lukluk long kes ya. —1 Korin 6:18.

Be bodi blong elda bambae i lukluk gud long samting ya mo mekem desisen sipos i nidim blong mekem kot komiti. Eksampol: ?Tufala ya i stap fren? ?Ol elda oli bin stretem tufala finis from sam samting we i hapen bitwin tufala? ?From wanem tufala i spenem naet tugeta? ?Tufala i bin plan finis blong mekem olsem? ?Tufala i gat wan nara tingting, o i gat wan samting i hapen we tufala i no save winim, olsem samting we tufala i no tingbaot o wan trabol we i mekem se tufala i mas spenem naet tugeta? (Prija 9:11) ?Tufala i slip long wea? Evri kes i defren, taswe maet i save gat sam narafala infomesen we i givhan long ol elda blong mekem wan stret desisen.

Afta we bodi blong elda i kasem evri infomesen mo lukluk tru long hem, bambae oli mekem desisen sipos i mas gat wan kot komiti, o nogat.