Taem Trabol i Kamaot

YUMI evriwan i kasem sam trabol long laef. Ol man we oli gat plante samting, olgeta tu oli kasem trabol.

BAEBOL I TALEM SE:

‘Sam man oli save ron kwik be oli no winim resis, mo sam man oli strong be oli no winim faet. Sam man oli waes be oli no gat kakae, mo sam man oli gat hed be oli no rij. Sam man oli gat save be oli no win. Hemia from we samting we oli no tingbaot i save kasem olgeta enitaem nomo.’ —Prija 9:11, NW.

Yumi no tingting tumas sipos bambae yumi kasem trabol no nogat. Be yumi wantem save nomo se bambae yumi mekem olsem wanem taem yumi kasem trabol. I gud yu tingbaot se:

?Bambae yu mekem wanem sipos yu lusum olgeta samting blong yu long wan disasta?
?Bambae yu mekem wanem sipos yu kasem wan strong sik?
?Bambae yu mekem wanem sipos wan famle blong yu i ded?

Ol Witnes blong Jehova, we oli wokem magasin ya, oli bilif se Baebol i save givhan long yu, blong tingting blong yu i stap strong taem yu kasem wan trabol. Be i no hemia nomo. Baebol i save givhan long yu blong yu bilif strong long ol promes blong God long fiuja. (Rom 15:4) Bambae yumi luk tri stori we oli soemaot samting ya.