Ol Fastok

Blong Statem Ol Baebol Stadi Long Fas Sarede Blong Manis Julae

“Mifala i pas smoltaem long haos blong yu, from mifala i wantem save tingting blong yu long kwestin ya.” [Yu soem fas kwestin we i stap biaen long Wajtaoa blong Julae–Septemba.] ?Wanem tingting blong yu long kwestin ya? Yu letem man i ansa. Yu tokbaot wetem hem haf we i stap aninit long fas kwestin, mo yu ridim wan long ol vas we i stap. Yu givim Wajtaoa ya long hem, mo yu mekem plan blong kambak blong yutufala i luk ansa long nekis kwestin.

Wajtaoa Julae–Septemba

“Mifala i pas smoltaem, from mifala i luk se plante man oli wantem tumas blong save samting we bambae i hapen long fiuja. Taem yu tingbaot fiuja, ?yu yu harem olsem wanem? ?Yu fraet no yu no fraet? [Yu letem man i ansa. Biaen yu ridim wan long ol vas we i stap long pej 7 aninit long haf ya “Tingting We God i Gat Long Fiuja.”] Wajtaoa ya i tokbaot sam long ol samting we God i talem se bambae i mekem i kamtru, mo hem i eksplenem from wanem yumi save trastem ol promes ya se bambae oli kamtru.”

Wekap! Julae–Septemba

“Tede Intenet i mekem se wan man i save gat plante taosen fren i bitim bifo. ?Long tingting blong yu, wanem impoten fasin blong wan gudfala fren? [Yu letem man i ansa.] Yumitu save luk wan eksampol. Baebol i tokbaot wan gudfala fasin we yumi save folem, taem yumi gat ol gudfala fren. [Yu ridim Jemes 1:19.] Wekap! ya i tokbaot 4 gudfala rul we oli save givhan long yumi blong wokem sam gudfala fasin, we i pulum narafala blong i wantem fren wetem yumi.”