Ol Fastok

Blong Statem Ol Baebol Stadi Long Fas Sarede Blong Manis Julae

Ridim Eksodas 3:14 mo futnot. Nao yu save talem se: “Vas ya we yumi ridim i soemaot se God i gat nem blong hem. ?Yu ting se yumi mas yusum nem ya? [Yu letem man i ansa.]” Yu givim Wajtaoa blong Julae 1, mo yutufala i tokbaot ol save we oli stap aninit long fas kwestin long pej 10. Yu mekem plan blong kambak bakegen blong tokbaot nekis kwestin.

Wajtaoa Julae 1

“Mifala i stap askem long ol man se wanem tingting blong olgeta long Baebol. Plante man oli gat defdefren tingting olsem we lis ya i soem. [Openem Wajtaoa i go long pej 3 mo yu soem lis we i stap.] ?Wanem tingting blong yu? [Yu letem man i ansa.] Yu traem makem wanem samting we Baebol i talem. [Yu ridim Rom 15:4.] Wajtaoa ya i tokbaot faef risen from wanem Baebol i defren long ol narafala buk. Mo tu, hem i tokbaot olsem wanem Baebol i save givhan long yumi.”

Wekap! Julae-Septemba

“Plante man tede oli harem nogud from we narafala i mekem i no stret long olgeta. ?Yu ting se i gat rod blong stretem ol trabol ya? [Yu letem man i ansa.] Baebol i tokbaot wan man we bambae i givhan long olgeta we oli stap harem nogud. [Yu ridim Ol Sam 72:11-14.] Wekap! ya i tokbaot ol gudfala promes blong God se wan dei bambae i no moa gat ol fasin we oli no stret.”