Fastok Blong Haf 3

Baebol i talem nem blong sam man nomo we oli wosipim Jehova long ol yia afta we Bigfala Wota i ron. Wan long olgeta, hemia Ebraham, we ol man oli singaot hem se fren blong Jehova. ?From wanem hem i fren blong Jehova? Sipos yu gat pikinini, givhan long hem blong i kasem save se Jehova i intres long hem mo i wantem halpem hem. Yumi mas mekem olsem Ebraham, Lot, Jekob, mo sam narafala man, we oli no fraet blong askem long Jehova blong i givhan long olgeta. Yumi save gat strong tingting se evri promes we Jehova i mekem bambae i kamtru.