Rod We Samfala Oli Folem Blong Givim Presen Mane Long Wok Blong Talemaot Kingdom
◻ GIVIM PRESEN MANE LONG WOK RAONABAOT LONG WOL: Plante man oli makemaot no plan from stret mane we oli putum long bokis blong presen mane, we oli raetem long hem se: “Presen Mane Blong Wok Blong Sosaeti Raonabaot Long Wol—Matyu 24:14.” Evri manis ol kongregesen oli sanem mane ya i go long wol hedkwota long Bruklin, Nyu Yok, no long branj ofis we i stap kolosap.
◻ OL PRESEN: Man i save sanem ol presen mane i go stret long Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, no i sanem long branj ofis blong Sosaeti we i lukaot long kantri we yu stap long hem. Ol naesfala ston no ol nara gudfala samting, ol man i save givim tu olsem presen. Oli mas sanem wan sotfala leta blong talemaot se oli givim samting ya olsem wan presen nomo.
◻ PRESEN MANE WE MAN I SAVE KASEMBAK SIPOS I NIDIM: Man i save givim mane long Watch Tower Society blong i kipim go kasem we man we i givim i ded, be sipos man ya i nidim mane, bambae Sosaeti i save givimbak mane long hem.
◻ INSURENS: Man i save mekem se Watch Tower Society i save kasem mane blong laef insurens no mane blong pem yia blong hem taem i ritae long wok no mane we oli givim long olgeta we oli olfala. Sipos wan man i wantem mekem wan long ol plan ya, hem i mas talemaot long Sosaeti.
◻ OL BANG AKAON: Man i save mekem se Watch Tower Society i save kipim blong yusum afta we hem i ded no i save kasem taem hem i ded, bang akaon, ol stefeket blong putum mane, no ol akaon blong hem taem i ritae, folem ol samting we bang long ples blong hem i askem. Sipos wan man i wantem mekem wan long ol samting ya, hem i mas talemaot long Sosaeti.
◻ OL STOK MO BON: Man i save givim stok mo bon long Watch Tower Society olsem presen, no folem wan plan we oli gohed blong givim profit long man we i givim.
◻ GRAON NO HAOS: Man i save givim graon no haos blong hem wantaem olsem presen long Watch Tower Society, no hem i save folem plan we Sosaeti i kasem taem hem i ded, be hem i gohed blong laef long ples ya long ful laef blong hem. Man i mas toktok wetem Sosaeti bifo we hem i givim graon no haos long Sosaeti.
◻ TOK WE MAN I TALEM LONG SAED BLONG OLTING BLONG HEM TAEM I DED MO PLAN BLONG HOLEM MANE I STAP KASEM DED: Man i save givim graon no haos no mane blong hem long Watch Tower Bible and Tract Society blong Pennsylvania, taem hem i raetem wan not we i folem loa, no bang i save holem mane ya i stap blong Sosaeti i kasem taem i ded. Mane we i blong givhan long wan ogenaesesen blong skul maet man i no nidim blong pem takis long hem. Man we i wantem bang i holem mane blong hem i stap blong Sosaeti, hem i mas sanem kopi blong promes ya no lastok blong hem long Sosaeti.
◻ GIVIM FOLEM PLAN: Sosaeti i bin hivimap ol save long saed blong “Givim Folem Plan.” Olgeta we oli stap plan blong mekem wan spesel presen long Sosaeti naoia no blong givim long Sosaeti taem oli ded, oli save faenem se save ya i givhan bigwan. Samting ya i tru moa sipos oli wantem kasem wan mak long famle no mekem plan long saed blong ol samting we bambae oli givim taem oli ded, mo long semtaem yusum ol rod we loa i agri long olgeta blong daonem namba blong takis we oli mas pem. Yu save kasem ol save ya sipos yu raet long Sosaeti long adres we i stap aninit.
Blong kasem moa save long bisnes ya, raet long Treasurer’s Office, Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, no raet long ofis blong Sosaeti we i lukaot long kantri blong yu.