“Yufala i Mas Ona Gud Long Ol Man Olsem”

STAT long yia 1992, Hed Kampani i putumap ol elda we oli gat ekspiriens long wok blong oli givhan blong mekem wok insaed long ol defdefren komiti.a Ol brata ya oli blong “ol narafala sipsip” mo oli givhan bigwan long Hed Kampani. (Jon 10:16) Evri wik, oli go long ol miting blong ol defdefren komiti we oli wok wetem. Sipos Hed Kampani i nidim sam infomesen mo sam tingting blong wok, bambae ol brata ya oli save givim long olgeta. Hed Kampani nao oli mekem desisen mo ol brata ya oli mekem sua se wok i gohed folem ol desisen ya. Ol brata ya oli rere nomo blong mekem eni kaen wok we oli kasem. Oli save go wetem ol memba blong Hed Kampani long ol spesel asembli mo ol intenasnal asembli. Samtaem Hed Kampani i save sanem olgeta blong oli visitim ol branj ofis.

Wan brata we i givhan long Hed Kampani stat long yia 1992, i talem se: “Taem mi mi mekem ol wok we oli givim long mi, samting ya i givhan long Hed Kampani blong i putum tingting blong hem i stap fulwan long ol wok we Jehova i givim long olgeta.” Wan narafala brata tu we i mekem wok ya blong 20 yia i talem se: “Mi neva tingbaot se bambae mi save mekem wok ya. Hemia i wan nambawan blesing.”

Hed Kampani i givim plante wok long ol gudfala brata ya mo i tinghae long ol hadwok blong olgeta. Taswe i gud we yumi “mas ona gud long ol man olsem.”—Filipae 2:29.