Tiokratik Nyus

◆ Babedos: Namba blong ol pablisa i go antap bakegen long manis Septemba, oli kasem 1,800.

◆ Aevori Kos: Long manis Septemba, stret long stat blong nyufala tiokratik yia, oli kasem 3,465 pablisa. Hemia namba 12 taem we namba ya i go antap evri manis. Ol brata blong yumi oli givhan bigwan long plante brata mo sista blong Laeberia we oli mas livim ples blong olgeta from we oli kasem trabol long kantri ya we i gat faet long hem.

◆ Japan: Namba blong ol pablisa i go antap bakegen long manis Septemba, oli kasem 148,452 pablisa. Mo tu, 3,582 pablisa oli stat mekem fultaem paenia. Long manis ya yet, oli bin ogenaesem 165 klas blong Skul blong ol paenia long 111 seket, mo 3,920 fultaem paenia oli go long kos ya.

◆ Kenya: Nyu namba bakegen blong ol pablisa, oli kasem 5,610 long manis Septemba. Program blong ol spesel dei blong asembli i finis, mo total blong olgeta we i go long ol miting ya i kasem 11,027 man, mo 172 oli tekem baptaes.

◆ Lesoto: Namba blong ol pablisa i go antap bakegen, oli kasem 1,347 pablisa long Septemba. Olgeta wanwan i spenem raonabaot 13,1 haoa long wok blong prij, mo samting ya i soemaot se oli bisi long wok blong Jeova.

◆ Moris: Wan nyufala namba bakegen, 907 pablisa long manis Septemba.

◆ Naejiria: Namba blong ol pablisa i go antap bakegen, 146,703 long manis Septemba. Oli bitim namba blong manis Ogis long 4,600 man moa.

◆ Reunion: Nyufala namba blong 1,854 pablisa long manis Septemba. 3,591 man i kam long distrik asembli, mo i gat 114 baptaes.

◆ Sen-Vinsen: Namba blong ol pablisa i gru long 14 %. Oli kasem 208 pablisa long manis Septemba. Ol pablisa wanwan oli spenem kolosap 14.2 haoa long wok blong prij.