Tiokratik Nyus

Ajentina: Long manis Febuwari oli kasem nyufala namba blong 98,601 pablisa. Long sem manis ya, i gat 507 nyufala disaepol we oli tekem baptaes.

Benin: I gat wan nyufala namba blong 2,967 pablisa we oli kasem long manis Febuwari. Taem oli skelem wetem ol wok blong olgeta blong wan yia bifo, namba blong ol pablisa i go antap 13.8 pesen, mo haoa i go antap 6.1 pesen, magasin we oli seremaot i go antap 40.6 pesen mo ol Baebol stadi we oli mekem i go antap 25.1 pesen.

Ekwado: Ol 23,176 pablisa we oli givim ripot blong olgeta long manis Febuwari, oli bin mekem 42,219 Baebol stadi. Samting ya i mekem se namba blong ol pablisa, i go antap long 2,180 mo 3,183 Baebol stadi long manis Febuwari las yia.

Aerlan: I gat 4,093 pablisa we oli givim ripot long manis Febuwari, hemia namba 59 manis we namba blong ol pablisa i kasem nyufala mak blong hem. I luk olsem se long fyuja bambae i gat plante moa, from oli kasem wan nyufala namba blong ol Baebol stadi, hemia 2,682.

Peru: Ol 43,366 pablisa long Peru, oli ripotem se i gat 369,437 visit mo 68,090 Baebol stadi long manis Febuwari. Wan nyufala Haos blong Asembli we oli jes wokem long Lima, i bin gat 21,240 oli stap long dei ya we oli dediketem.

Tahiti: Oli ripotem 13-pesen we namba blong ol pablisa i go antap long manis Febuwari wetem 1,604 pablisa. Hemia namba 64 manis we oli kasem wan nyufala mak blong pablisa.

Sair: Nating se i gat trabol long saed blong mane mo politik long kantri ya, ol brata oli ripotem wan nyufala namba blong ol pablisa blong 71,098 long manis Febuwari. Samting ya i mekem 9-pesen antap long laswan yia. Ol pablisa blong kongregesen ya oli mekem wan medel namba blong 16.8 haoa long wok blong prij. Sair naoia, i gat bitim 6,000 fultaem paenia.

Aruba, Guadelup, Matinik, Sen. Kit, mo U.S. Vejin Aelan, we evriwan i stap long eria blong Karibin, wanwan long olgeta oli ripotem wan nyufala namba blong ol pablisa long manis Febuwari.