Tiokratik Nyus

◼ Long Febuwari, sam kantri blong Wes Afrika, olsem Benin, Kamerun, Côte d’Ivoire, Gana, Laeberia, mo Naejeria, oli kasem wan nyufala namba blong pablisa.

◼ Plante refuji oli stap kambak long Laeberia, mo plante man oli hanggri from trutok long kantri ya. Fulnamba blong ol pablisa long Febuwari, hemia 2,286, oli mekem 6,277 Baebol stadi.

◼ Long Febuwari, i gat 135 pablisa long Makao, hemia 16 pesen antap long namba blong las yia.

◼ Long Saot Pasifik, ol kantri blong Fiji, Solomon Aelan, mo Tahiti, oli kasem nyufala namba blong pablisa long Febuwari.

◼ Aelan blong Madagaska i kasem wan nyufala namba blong 9,484 pablisa, hemia 14 pesen antap long namba blong las yia. Oli mekem 20,000 Baebol stadi long Febuwari tu.