?Yu Save Mekem?

¹ Yu save askem se, ‘?Mekem wanem?’ Proveb 3:27 i givim ansa se: “Yu no holembak samting we i gud long olgeta we oli nidim, taem han blong yu i gat paoa blong mekem olsem.” ?Han blong yu i gat paoa blong mekem moa long ol wok blong yu mo joen long wok blong haftaem paenia no fultaem paenia? ?Yu yu save mekem olsem?

² I gud tumas blong ridim long 1993 Yearbook we i gat . . . fultaem paenia mo haftaem paenia long wol, samting ya i save leftemap tingting blong yumi. Hemia i min se long evri 8 pablisa i gat 1 paenia. Yes, 23 long olgeta oli joen long wok blong paenia long las yia. Samting ya i mekem total blong 2 pablisa long wan manis we oli tingtinggud nao oli faenemaot se long laef blong olgeta, oli save mekem moa long minista wok.

³ Wok blong haftaem paenia, hem i wan rod blong mekem i gud long ol narafala. Las yia namba blong olgeta we oli mekem haftaem paenia i kasem 21. Samting ya i gud tumas. Plante pablisa oli stap lukaot rod blong kam haftaem paenia long evri manis.

⁴ Blong tingtinggud se yu save “mekem” no yu no save mekem, fastaem yu mas tingbaot wanem we hat blong yu i wantem. (Mat. 22:37-39) Ol Wok 20:35 i talem se: “Man we i stap givim presen i go, hem i save harem gud moa, i winim man we i stap kasem presen blong hem.” Tru ya, olgeta we oli gat gladhat blong givhan long saed blong speret long ol narafala, hat blong olgeta i wantem gudfala samting. Blong kam wan gudfala pablisa no paenia, i impoten we yu yu mas wantem samting ya tu.

⁵ Seken samting, tingbaot laef blong yu. ?Yu yu save jenisim sam samting long laef blong yu blong mekem wok blong fultaem paenia? I no evriwan i save mekem olsem. Evri yia plante taosen brata sista oli faenem rod blong “mekem olsem”, taem oli prea, mo skelemgud laef blong olgeta. (Kol. 4:5; w77 pej 701, Engglis) Wan eksampel, sam famle oli jusumaot sam manis, blong sam long olgeta no maet olgeta evriwan long famle ya oli save mekem haftaem paenia. Sam narafala famle, maet oli save sapotem wan memba blong famle blong olgeta blong kam fultaem paenia. ?Famle blong yu i stap tingbaot sipos oli save mekem olsem?—⁠Lukluk Proveb 11:⁠25.

⁶ Halpem ol narafala blong save se trutok nao i save karem trufala gladtaem, nating se, yu stap wok olsem wan pablisa no wan paenia. Mifala i save se trufala fasin glad i kamaot from we yumi stap mekem i gud long ol narafala, speseli sipos ‘i stap long paoa blong han blong yumi blong mekem.’