Ansa Long Wan Kwestin

◼ ?Sekretari i mas mekem wanem taem wan fultaem paenia i muf i kam long kongregesen?

Sekretari i mas yusum haf biaen long pepa blong Ripot blong Kongregesen (S-1), blong talemaot long Sosaeti. Mo tu, hem i mas toktok kwiktaem wetem sekretari blong kongregesen we paenia ya i kamaot long hem, mo askem olgeta Kad blong Pablisa (S-21) long saed blong paenia ya we hem i holem i stap, mo wan leta we Sevis Komiti i raetem blong talemaot paenia ya long nyu kongregesen.

Wan paenia we i jenisim ples, plante taem hem i faenem i had blong haremgud long nyufala ples mo blong mekem wan gudfala program blong prij. Ol paenia oli glad tumas taem ol elda oli givhan long olgeta long kaen fasin, blong mekem se taem oli mas jenisim kongregesen blong olgeta, oli save haremgud kwiktaem long nyufala kongregesen.

Notis: Sekretari i save givim wan nyufala aedentiti kad mo kad blong talem se hem i joen long wanem kongregesen ­(S-202) i go nomo long ol paenia we oli kam long Nyu-Kaledonia mo long Vanuatu, we oli muf i kam long kongregesen. Ol paenia we oli lusum kad blong olgeta, no oli jenisim nem from oli mared no divos, no oli kam long wan kantri we wan narafala ofis blong Sosaeti i lukaot long hem, oli mas kasem nyufala kad blong olgeta long Sosaeti, be i no long sekretari. Sekretari no paenia i mas raet i go long Sosaeti blong eksplenem bisnes ya mo askem wan nyufala kad.