Ansa Long Wan Kwestin

● ?Sipos wan pablisa i muf i go long wan narafala ples, ale hem i mas jenisim kongregesen, ol brata long tufala kongregesen ya oli mas mekem wanem?

Sipos wan pablisa blong wan narafala kongregesen i stat blong joen long kongregesen blong yufala, brata we i sekretari blong kongregesen i mas askem long hem nem blong kongregesen we hem i joen long hem bifo, mo nem mo adres blong sekretari blong kon­gregesen ya. Afta, hem i mas raetem leta i go long narafala sekretari blong askem kad blong pablisa blong man ya, mo wan leta blong talemaot man ya long nyufala kongregesen blong hem. Narafala sekretari we i kasem leta ya i mas ansa kwiktaem nomo long hem.​—⁠Ridim Organized to Accomplish Our Ministry, pej 104-5.

Pablisa we i gat tingting blong muf i go naraples i save mekem ol samting i isi moa. Hem i save tekem adres blong sekretari mo stret nem blong kongregesen we hem i livim. Ale, taem hem i kasem nyu kongregesen blong hem, bambae hem i go luk sekretari mo i talem ol poen ya long hem. Sekretari ya i mas kwik nomo blong raetem leta blong hem. Ol ripot blong prij we pablisa i putum long nyu kongregesen blong hem, kongregesen ya i save holemgud olgeta, gogo oli kasem kad blong pablisa ya. Biaen, ol brata oli save raetemaot wok blong prij blong pablisa ya long kad blong pablisa, nao oli save kaontem wok blong hem long nekis ripot blong manis blong kongregesen.

Samtaem pablisa we i rere blong jenisim kongregesen i save finis nem mo adres blong sekretari blong kongregesen we bambae hem i joen wetem. Sipos i olsem, i no nid we ol elda oli wet se sekretari blong narafala kongregesen i sanem wan leta blong askem kad blong pablisa ya. Oli save sanem kad ya kwiktaem nomo wetem wan leta blong talemaot pablisa ya long nyu kon­gregesen we bambae hem i joen long hem.