Strong Tingting Blong Wok i Stikim Bighaf Blong Olgeta

Aposol Pol i presem ol Kristin long Korin from we oli gat strong tingting blong mekem wan gudfala wok nao fasin ya i bin “stikim bighaf blong olgeta” narafala Kristin brata sista blong olgeta. (2 Kor. 9⁠:⁠2) Plante taem, sem samting i save hapen long wan man, wan famle, wan grup blong buk stadi, no wan kongregesen, taem i gat strong tingting blong joen long wok blong talemaot gud nius. Hemia sam rod we maet yu save folem blong soemaot strong tingting long wok blong prij.

◼ Holem olgeta Sarede blong yu i stap olsem Dei blong Magasin.

◼ Traem bes blong yu blong joen long wok blong prij long Sande.

◼ Yusum ol dei we oli longfala moa blong joen long wok blong prij long sapa.

◼ Joen long eni spesel wok blong prij we kongregesen i mekem plan long hem.

◼ Yusum wan holide blong wok no skul, blong joen long wok blong prij.

◼ Sapotem wok blong prij taem seket elda i visitim yumi.

◼ Traem joen long wok blong haftaem paenia long wan no moa manis long yia.

◼ Sipos yu naf, jenisim sam samting long laef blong yu blong joen long wok blong fultaem paenia.

Lukluk 2000 Yearbook of Jehovah’s Witnesses, pej 17-19.