Tingting Blong Yufala Long Saed Blong Video Kaset Ya The Bible​—⁠Its Power in Your Life

Blong ansa long ol kwestin ya, talemaot samting we i kasem hat blong yufala taem yufala i wajem video kaset ya. (1a) ?Wanem samting i givim paoa long plante milian man blong jenisim laef blong olgeta? (Hib. 4⁠:12) (1b) ?Olsem wanem blong kasem paoa ya mo blong mekem i wok long laef blong yumi? (2) ?Wanem ol vas blong Baebol we oli halpem ol hasban mo waef (a) blong oli kamgud moa long fasin blong toktok long olgeta mo (b) blong bos long kros blong olgeta? (3) ?Olsem wanem Kristin tingting long saed blong mared i mekem laef blong wan famle i kam moa gud? (Efes. 5:​28, 29) (4) ?Olsem wanem Jeova God i soem gudfala eksampol blong givim trifala samting we pikinini i wantem mo oli nidim, mo olsem wanem ol papa mama tede oli save mekem sem mak? (Mak 1⁠:​9-11) (5) ?From wanem i moagud se papa mama nao i tijim pikinini blong olgeta long saed blong Baebol, mo wanem i soem se i impoten blong mekem samting ya oltaem? (Dut. 6:​6, 7) (6) ?Olsem wanem ol papa mama oli save mekem se evriwan long famle oli intres long famle stadi? (7) ?Antap long Baebol stadi, Tok blong God i pulum ol papa mama blong givim wanem narafala samting long ol pikinini blong olgeta? (8) ?Olsem wanem advaes blong Baebol i save halpem ol famle blong gat inaf mane blong laef? (9) ?Wanem ol rul blong Baebol we oli save daonem ol problem long saed blong helt? (10) ?Olsem wanem ol rul long Tok blong God oli bin jenisim sam samting long laef blong yu? (11) ?From wanem video kaset ya i save pulum ol man we yumi mitim long wok blong prij, blong oli wantem stadi Baebol?